د/ صفوت روبيل بسطا
ملاك طاهر طار إلي السماء ..... طار وترك أرض الفناء
دمه سال علي أرض الشقاء ... يصرخ ويُنادي رب السماء
عمره يا دوبك 8 سنوات........أسمه مريم علي أسم العذراء
كان عايش بيننا ووسطينا ........ ومُفرح أهله وكل الأجواء
راح يحضر فرح في الكنيسة...كأنه طائر بسعادة في الهواء
مروا أمامه أتباع الشيطان .... والغدر في عيونهم كأنه شرار
خرجت رصاصات الغدر من ...قلوبهم قبل أيديهم.. يا أحرار
قتلوا الملاك الطاهر ....... اللي كله رقة وبراء
قتلوا الحب والخير ......جعلونا نعيش في شقاء
قتلوا الأمن والأمان ...ملأوا الأرض من الدماء
ملاك بيضحك ويجري ...والفرحة في عنيه بتسري
دُنيته لعبة وضحكة ... وقلب صافي وغيره لا يدري
لا يعرف يكره ولا يحقد ... والدنيا حواليه .. وردي
لم يأتي أبداً علي باله ... أنه يجد ناس مش ناس !!؟
لم يحمل شر لأنسان ... والجميع عنده ياناس ناس
ده عمو ودي طنط ...لا فرق عنده بين ناس وناس
وقف مذهول مش مصدق .. عمو يضرب رصاص !!!؟؟؟؟
أكيد دي لعبة وهايدهالي
ألعب معاه ، ويلعب معايا
في لحظة
سمعت .. بُم
وحاجة كده .. جايالي
ماعرفش إيه اللي حصل بعديها !!؟؟
سبعة ..بُم... وبعدها
مش عارفة إيه اللي جرالي !!؟؟
لم يستحمل الملاك شر الأنسان
ترك هذا العالم وصعد للديان
يصرخ إليك يارب وينادي
أنقذنا يارب وأنقــــذ بلادي
من شر ناس وبشر ظالمــــــين
لا يعرفوا لا إله ولا حتي دين
الملاك الطاهر ..... الشهيدة .... مريم نبيل فخري
ضحية الغدر والحقد والكراهية وأتباع الشيطان
أيها الملاك الطاهر ... ماذا فعلـــــــــــت !!؟؟
أيها الملاك الطاهر ... ما هي جريمتــــك!!؟؟
أيها الملاك الطاهر ....هل لأنك مسيحي!!؟؟
نعم ...فقط ... لأنك ......................مسيحي
من أجل ذلك ... فقط... نتعزي ونصبر ونقبل ولن نخــــــاف
من أجل مصر ...فقط ... نقدم كنائسنا ونفوسنا قرباناً بألالاف
لأن ... مسيحنا ... وعدنا ..أنه في العالم سيكون لكم ضيق
لأن ...مسيحنا ...وعدنا.. أنه غلب هذا العالم ويزول الضيق
أيها الملاك الطاهر ............ هنيئاً لك الملكوت
أيها الملاك الطاهر ............هنيئاً لك الفردوس
أيها الملاك الطاهر ..............هنيئاً لك السماء
أيها الملاك الطاهر ............. هنيئاً لك السماء
أذكرينا يا مريم أنت وأختك مريم ... يا مريمتان
وشهداء كنيسة الوراق .......وكل شهداء الأقباط
أمام عرش الملك ............... المســـــــــــــــــيح
المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع
English
المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع
