وقال «عابدين» في إجابته: «ربنا بيقول وإذا قرئ القرآن فاستمعوا له وأنصتوا، وهذا يعني أن القرآن جُعل عند قراءته ليُسمع، في الصلاة وغير الصلاة».

 

وأضاف: «في ناس بتشغل إذاعة القرآن الكريم في المنزل وتسيبه ويروحوا الشغل، وفي ناس بتسافر لفترة وتسيب القرآن شغال بحجة إنه علشان البيت يتملي بركة وتُطرد منه الشياطين؟ طيب أين أنت من قول الله تعالى وإذا قرئ القرآن فاستمعوا له وأنصتوا، أنت متأكد أن الشقة فاضية ومفيهاش حد وسايب القرآن شغال فيها 24 ساعة».

 

وتابع: «القرآن ما جُعل لذلك، ولكنه جُعل ليُتدبر، ويؤخذ منه أحكام الشرع، وعاوز أقول حاجة مهمة جدًا مين اللي قال إنه القرآن لما يتقرأ والشقة فاضية مفيش حد هيسمعه؟، في حاجة خفية جدًا الناس مش واخدة بالها منها اسمها الجن المؤمنين».

 

واستكمل: «الشقة فاضية والقرآن يُقرئ على طول، مين اللي هييجي يسمع؟ الجن المؤمنين، لأن القرآن جُعل ليُسمع، وفي هذه الحالة القرآن طرد الشياطين أم جاء بهم؟ هنا هو جاء بالجن المؤمنين».

 

واختتم: «اللي هيطرد الشياطين من البيوت التدين بدين الله وتتبع سنة النبي، وقرأت القرآن وتدبرت وتخلقت بخلق القرآن».