محرر الاقباط متحدون
 هاجم سليمان عامر، صاحب قرية السليمانية، الدكتور صلاح هلال، وزير الزراعة، وقال إنه "يحاول التغطية على فساده وبلاويه بالتحقيق في مخالفات قرية السليمانية".

وقال "عامر" في مداخلة هاتفية لبرنامج "حضرة المواطن" على قناة "العاصمة"، مساء الأحد: "وافقت على دفع التسوية المقدمة من وزارة الزراعة والنيابة الإدارية والتي تبلغ 10 مليون جنيه حبا في مصر، لكنهم رفضوا".
 
وأضاف: "المهندس صلاح هلال، وزير الزراعة، قالي في البداية إنه واخد تعليمات من القيادة السياسية لتسوية كبار المستثمرين، وقالي القياة السياسية بتقولنا إحنا كمصر بنحترم العقود الموقعة مع المستثمرين، ومينفعش الدولة الموقعة عقد من 15 سنة تيجي تقول هنلغيه دلوقتي، وأنا معايا عقد بـ 30 فدان".
 
وتابع: "30 فدان مفيهمش مياه ولا خدمات، أراضي صحراوية، بـ 113 ألف جنيه للفدان، علشان أغير نشاطه، وقولتله ده أعلى سعر في تاريخ مصر منذ محمد علي حتى الآن، وجاي تحاسبني على أيه دلوقتي، واللا هيا شماعة علشان تغطي على بلاويك وفسادك".
 
وواصل: "الفساد عمقه 20 كيلو تحت الأرض، وأنا خلفيتي العسكرية علمتني احترام مصر وعدم سرقة أراضيها".
 
وأكد أنه يحاول عمل تسويه منذ 2010، ووافقت على دفع 3.5 مليون جنيه، ولكنهم طلبوا مني 10 مليون جنيه، وأنا موافق على دفع 10 مليون جنيه نظير 30 فدان مباني، وبعتلهم جوابات، ولكنهم رافضين إزاي نخلص سليمان عامر بقى وإحنا بنقول عليه مليارات".

وأجرى الدكتور صلاح هلال وزير الزراعة، يرافقه المستشار عماد عطية قاضي التحقيق في قضية فساد وزارة الزراعة، ولجنة فنية من هيئة التعمير والتنمية الزراعية التابعة لوزارة الزراعة، ولجنة من وزارة العدل، أول جولة في عدد من المنتجعات السياحية بطريق "القاهرة- الإسكندرية" الصحراوي للوقوف على مخالفات الطرق الصحراوية، وسط تواجد أمني مكثف.