«أمينة» اعتبرت أن أى هجوم على الفتيات فى غير محله لأن هناك ثلاثة أمور يتم حساب جمال الفتاة على أساسها، الأول: الجسد، الثانى: الشخصية، أما الثالث فهو خاص بالشكل العام: «للأسف إحنا فى مصر بنحكم على الفتاة بجمال الوجه فقط، مع أن هذا غير صحيح، فالفتيات المرشحات يخضعن لاختبارات صعبة جداً وتوجه إليهن أسئلة فى كل مناحى الحياة والمعلومات العامة». ووصفت «أمينة» صور الفتيات التى تم عرضها بـ«عادية» قائلة: «حطوهم فى الوضع الصح وبعدين ابقوا اتكلموا، دول بنات صغيرة لسه ميعرفوش حاجة، أكيد وأنا فى سنهم مكنتش أعرف حاجات كتيرة أعرفها دلوقتى، دول مقارنة بينا زمان أحسن مننا، الصور اللى ظهرت فيها الفتيات مش ذنبهم ولا حتى لجنة التحكيم، الخطأ يقع على من قام باختيار الخلفيات والميك أب الخاص بهن فقط»، مؤكدة أن ما لا يعرفه البعض أن هذا الهجوم المستمر على المرشحات للمسابقة هو السبب فى انخفاض مستواها: «بسبب الكلام ده، كتير من ولاد الناس بيخافوا يقدموا وللأسف المسابقة مستواها بينزل فأرجوكم كفاية!».