البسطاء يهجرون برامج "التوك شو "إلي قنوات الأفلام الكوميدي

عقب 25 يناير زادت عدد الفضائيات بشكل كبير عما قبل مرحلة ما قبل 25 يناير والتي كانت تقتصر علي التليفزيون المصري وقناة دريم والمحور وعدد قليل أخر ومع اشتعال الإحداث عقب 25 يناير  زادت عدد الفضائيات بشكل كبير للغاية وزادت معه  البرامج الحوارية والتي يطلق عليها  برامج التوك شو والتي كانت محور اهتمام قطاع  كبير من المواطنين للتعرف علي الإحداث المشتعلة التي كانت تشهدها البلاد في هذه الفترة إلا أن الوضع عقب ثورة 30 يونيو اختلف بعض الشيء حيث أغلقت عدد من القنوات وتم اندماج العدد الأخر وبعض الفضائيات اكتفت بقناة واحدة وغاب عدد من أشهر مقدمي البرامج عن الساحة الإعلامية تماما مع إلغاء برامجهم من بينهم الإعلامي محمود سعد  بل تحولت عدد من هذه الفضائيات إلي تقديم المسلسلات والأفلام وبرامج الطبخ والأبراج والجنس ب    

كلهم كدبين وبتوع مصلحتهم عاوزين البلد تفضل مولعة عشان يقبضوا الملايين ويتجاروا بمشاكل الناس الغلابة ويعملوا أنهم بيدافعوا عنهم وهما عاملين الناس سبوبة وكل كلامهم كدب في كدب 

ويضيف يوسف رمزي فلاح أنا بطلت أتفرج علي البرامج دي مبقاش فيها حاجة كويسها كلها أخبار زفت وطين وناس عاوزه تولع البلد ونسوا مشاكل الناس الغلابة والغلاء اللي كلنا وخلانا مش لاقين نأكل فين البرامج اللي بتقول علي مشاكل الفلاحين وارتفاع سعر الكيماوي والتقاوي اللي رفعت أكثر من الضعفين وأسعار المحاصيل زى ما هي كل ما تقلب علي قناة تلاقي اثنين بيقطعوا في بعض دون فائدة ولا نتيجة . 

ويشير خلف حسن فلاح ،أنا بقعد قدام التليفزيون بالليل عشان اعرف أخبار الدنيا وإخبار الغلاء وبحب أتفرج علي الأستاذ وائل الإبراشي هو بيتكلم بصراحة وبجراءة وبجيب كل الإحداث اللي بتحصل في البلد.   

وقالت صفاء حسني ربة منزل ،أن مليت من البرامج دي أنا بتفرج علي قنوات الأفلام القديم اللي بتضحك البرامج دي مفيهاش إلا الإخبار الوحشة والمحبطة والتي تشعرك باليأس مش معقول اقعد أتفرج علي ناس بتتخانق مع بعض الأحسن أني أتفرج علي حاجة تضحك شوية عشان ننسي الهم. 

وقال عماد عادل فلاح وحاصل علي دبلوم زراعة أنا بحب أتفرج علي برنامج احمد موسي هو راجل بيحاول يساعد البلد ويكشف كدب الإخوان وكمان عمرو أديب بيعمل مبادرات كويسة تساعد الغلابة زي مبادرة تخفيض الأسعار ومبادرة توزيع البطاطين علي الغلابة.

وقال الدكتور محمد زين عميد إعلام بني سويف بلا شك نسبة مشاهدة برامج التوك شو انخفضت عما كانت عليه عقب ثورة 25 يناير لان الناس اكتشف عدم المصداقية لدي مقدمي برامج التوك شو ويتصنعوا الإحداث ويعملوا برامج وأحداث مصطنعة بمعني بيخلقوا أزمة عشان يعملوا عليها برامج ويملوا ساعات  .وكما أن المشاكل الحالية سواء المشاكل الاقتصادية أو السياسية لا تتناسب مع برامج التوك شو كما أن هذه البرامج لا تؤدي إلي أي نتائج ومعظم المشاكل المطروحة في برامج التوك شو من صناعة الإعلام.