بحر العشاق

شعر/حنا عادل النجار

بحر العشاق
وده ليه ضحاياه
فيهم الي غرق
وفيهم الي لقي

قارب نجاه
وفيهم الي لقي الحضن
 الي ليه سنين بيتمناه

بس الدنيا مش سايباه
يمكن علشان هو كان اطيب خلق الله
ويمكن علشان الدنيا كانت معانداه
بس الاكيد ان ربنا هيكون ليه طوق نجاه
هيكون طبيب مداوي لكل الجروح
هيكون الملطف للروح

بحر العشاق
بحر العشاق وده ياما كان لينا فيه ناس
راحو فين؟؟
معقوله يكون مات فيهم الاحساس
معقوله يكونوا نسيو احبابهم

مش معقوله يكون مات فيهم الاخلاص
بس انا كدا خلاص
عرفت انك بحر غدار
وبتفرق الاحباب

طيب قدر ياخي
دانت حتي الي كنت بتجمعم
فوق شطك تحت الامطار
هان عليك سهام الالم تقتلهم
هان عليك امواجك تبهدلهم
هان عليك صوت رعدك يفرقهم

دانت حتي مشهور بانك مجمع القلوب
ولا اظاهر انها راحت عليك
واحنا الي كنا فاهمين المثل بالمقلوب
بحر العشاق وده ليه ضحاياه
فيهم الحب وفيه النفاق

بس ف الاخر هو برضي
بحر العشاق..