خالد منتصر عن إرهاب مانشستر: "ياريت نشوف إسطوانة تانية غير الحروب الصليبية"

كتبت – أماني موسى
علق الكاتب والإعلامي د. خالد منتصر، على الكشف عن هوية منفذ هجوم مانشستر، قائلاً: "كل ما تحصل حادثة إرهابية بطلها متأسلم باسمع تلات أربع جمل محفوظين زي الاسطوانة المشروخة، ده رد فعل للي بيحصل لمسلمي بورما، أنت ناسي ليه الحروب الصليبية؟، هتلر كان مسيحي وقتل الملايين".

وتابع منتصر عبر حسابه الرسمي بموقع التواصل الاجتماعي الفيسبوك، "ياريت نجدد شوية ونشوف حكاية تنقذ ماء وجهنا غير حكاية بورما التي لا نملك سواها كدليل دفاع!!! وغير حكاية الحروب الصليبية اللي بقالها ألف سنة، وغير هتلر اللي ما اعتمدش في حربه علي نص ديني!!! إحنا في دلوقتي وحاليًا وبنعيش بقالنا ربع قرن في أحداث إرهاب أبطالها مسلمين!!

وأستطرد، مش لازم نخبي ده ونداري عليه.. لازم نواجه نفسنا في المراية ونشوف عيوبنا ونعالجها بجد ومانهربش من مواجهة كل ما هو قبيح جوانا، مش معني انك مغمض عينيك أمام جريمة أنها ماحصلتش ومش موجودة!!".