قصيدة/ رفيق العمر

   الشاعر فادي ثروت مرتضي
طب هنعمل أية ياصاحبي
هي الحكاية أتكتب عليها النهاية خلاص
هنستسلم ونرفع الراية تحت أصوات الرصاص

خلاص يا عبد الناصر الحكاية أنتهت..... خش نام
ضاعت كرامة شعب وضاعت الهيبة و ضاع العلام
يا أنور انت بتطلب مني المستحيل إزاي هييجي النوم

وأنا الظالم وأنا المظلوم
و الحزن في وشوش الوطن مرسوم
وأديني أممت قناة السويس وبرضوا مش عارف أوفي
مابقتش عارف مين كارهني ومين في............ صفي
يا عبد الناصر وانت كان في ايدك تعمل حاجة وما عملتهاش
يا أنور الغدر من طبع العدو ودي الحاجة اللي حسابها ماعملناش

وآدي شارون أخد مننا أرضنا غصب و نطاعة
هي سينا يا أنور عمرها كانت........... بضاعة
طب قولي في حاجة في دماغك ناوي تعملها
بفكر يا أنور أسيبها لغيري تممكن هو ....يعدلها

مرت علينا سنين و الدمع جوة العين رافض يسيل
بدأت حكاية جديدة بجندي مقاتل في عيد
ماسك عود القصب وفاصل حدود حبل الغسيل

والأمر عادي طبيعي جدا
جنود و علي مكتب العقيد ....وبتدور
وشمس ونورها بينور
وجندي مصري أمله ضاع منه وبيدور
وجندي إسرائيلي ماسك حديدة وبيراقب وبيصور

وأخبار بنسمع عنها في الراديو لبلاد بتطالب بالتغيير
وشويه ونسمع خطابات مستفذه لجولدا مائير
باعته رساله للسادات بتقول هكذا يسير القطيع
وإن إسرائيل هي الكيان ومصر علي وشك أن هي تضيع
وفجأة اتحول المشهد لخرطوم ميه بيدمر في خط بارليف المنيع

معقوله تاني الهيبة ترجع من جديد
معقوله تاني الدم يمشي في الوريد
والدبابات عبرت قناه السويس علي الكوبري العائم
ده الجندي حارب بإستماته وهو صايم

وفجأة علم مصر رفعه جندي وغرزة بين الرمال
والجندي فجأة أتقتل إلحق علم بلدك اهو مال
قام جندي تاني مسك العلم ورفعه لفوق
وقال لإسرائيل الارض أرضي ومعايا الدليل
ف أصحي وفوق
هزمناكم و الكل شاهد علينا ساعة العصر

أثبتنا للعالم كله أن انتوا كسر
وأدينا رفعنا فوق دماغكم رايات النصر
ونسر كبير في خلفيته٣ ألوان
ومعروف اسمه في كل مكان
ساري عليه علامه مصر