طريق سفر
نشأت عدلي
٥٧:
٠٨
ص +02:00 EET
الاثنين ٢٠ نوفمبر ٢٠١٧
نشأت عدلي
خواطر مسافر بين المشاعر
مسافر علي الطريق
كل واحد فينا علي طريق
بس مين فينا الرفيق
ومين فينا الصديق
كل واحد فينا علي سفر
قلوب بتسافر
وناس بتهاجر
وكل واحد فينا علي سفر
قلوب بتسافر لبعض
وقلوب بتهاجر من بعض
وروح تعبانة من طول السفر
السفر طويل مع الهجر
وطريق اطول من الجفا
ليه ؟
ليه الجفا بعد الود
ليه البعد بعد القرب
كلة بيهاجر من كله
الكل بيسافر بقلبه
وادي احنا مسافرين
راجعين او مش راجعين
بس ادينا مسافرين
لا القلب نسي انت مين
ولا شالتك من جوه العين
حتي لو الطريق بعد بينا
حيبقي لسة طريق تاني
يجمع مابينا
طريق سفر
