بقلم: إميل سمير عوض
وشوش واقنعة كتير وتوب غير التوب
وش في الدنيا غالب والقلب جواه مغلوب
وش ماشي بالعرض ناسي انه ماشي مقلوب

وش بيضحك ووش بيبكى ووش يبات مكسوف
وش الضحكة تبان عليه ووش يموت من الخوف
وش مخبي حقد وغل وقناع الوش عطوف

وش ماشي في الدنيا ناسي انه هيسيبها قريب
وقلب تانى في الدنيا عارف انه فيها غريب
وشوش كتيرة تحير فيها فكر وعقل مريب

وش فيه بسمة خد وحب وود ومخبي سواد وغيام
وفيه وش حزين من ظلم سنين وتجاعيد الوش الام
ودموع في العين من قلب حزين بتتحسر علي الايام

ووشوش تايهة في زحام الدنيا والايام عليها بتفوت
وقلوب شايله الهم وحرقة دم وكل يوم بتموت
وفي ناس بتخون وقلوب بتهون وبنسمع بس انين الصوت

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :