نشوى الحوفي: لدينا أزمة غياب عقل الإعلام وما هو المنتج البشري الذي نريده؟

كتبت – أماني موسى
علقت الكاتبة الصحفية نشوى الحوفي، تحت عنوان "نقطة ومن أول السطر"، على ما أثير مؤخرًا من حوادث محاسبة إعلاميين تورطوا بأمور تمس أمن الوطن وتثير بلبلة بين العامة، قائلة: الأزمة مش أزمة مذيع حكى قصة تخالف المنطق والحقيقة فأساء لمحاربين بيحموا الوطن ولزوجات هن الوتد والسند.

الأزمة مش أزمة مذيعة اخترعت كذبة خطف الأطفال هي وزمايلها في الإعداد وبعدها صورت سهرة ترحيلها للسجن في حلقة.

الأزمة مش أزمة مذيع سرب تسجيل غير موثوق في صحته لحادثة إرهاب راح فيها دم غالي مش هيبرد.

الأزمة مش أزمة مذيع بيطلع كل ليلة يجعر -وهي لغة عربية فصحى- ويشوح بإيديه وكان قبل كده بيحمد زمن مبارك في زمنه ومن بعده قال أهو غار.
الأزمة مش أزمة دكتور بيطلع يسرق تاريخي وفقًا لهواه ولا أزمة تجديد رتوش نليس بيها شاشة شابت.

وشددت في تدوينة عبر حسابها بالفيسبوك، الأزمة مش أزمة تجار الإعلان، الأزمة أزمة غياب عقل الإعلام ورؤية بتجاوب على سؤال مهم أوي: إيه المنتج البشري اللي إحنا عاوزينه في النهاية؟ وإياك تصدق الغرب ما بيحددش شكل منتجه البشري إيه من إعلامه.

واستطردت، لو فاكر كده اتفرج على فيلم ترومان شو وأنت تعرف إن المواطن الأمريكي صناعة إعلام.