قانون "شبة الزريبة العربية"

بقلم: مايكل فارس

شبابنا وشباتنا، بناتنا وأولادنا، آبائنا وأمهاتنا.. أنا لسه بتابع معاكم برنامجي الانتخابي، وقرَّرت بشكل نهائي أن يتم إقرار "قانون شبة الزريبة العربية"، واحتمال كبير يكون نص في الدستور الجديد، بس حابب أقلكم ليه قصة القانون..

رحت جرنالي عشان أشتغل كالعادة، وكان في حاجات غريبة ابتدت تحصل.. زميلة بتقولي: "يا مايكل أنا زعلانة منك"، قلتلها ليه؟ قالتلي هقلك بعدين. وبعدها زميل آخر يقولي: "أنا سمعت إنك بتهاجم الإسلام". وبعدين ييجي واحد تاني بيقولي: "إنك بتهاجم العقيدة الإسلامية على صفحة الفيس بتاعتك"..

قلت في نفسي: "يااااااااااااااااااه ده من إمتى ده؟".. وفي الآخر عرفت إن زميل فاضل قدَّم "شبه مذكرة" لأحد المسئولين بالجريدة، طبع خلالها صفحتي على الفيس بوك، وقاله إن مايكل بيهاجم المسلمين علي الفيس بوك..

وإتضح أن الزميل الفاضل داير في الجرنال يقول لكل واحد إني بهاجم الإسلام.. إيه بقى اللي كان مكتوب على الفيس بوك في صفحتي؟ كنت مشيَّر صورة لأخويا وهو مربي دقنه، وكتبت عليها "الحقوني أخويا بقي سلفي واتجنن، وربي دقنه ومسمي نفسه حنظلة".. المشكلة مش في كده، المشكلة إني واحد صديق على الـ"فيس بوك" كتب تعليق، وقال: "المفروض إنه يتجوز من واحدة من قبيلة في شبة الزريبة العربية".. وهنا بقى قامت القيامة.. إزاي وإزاي أعمل لايك على "شبة الزريبة العربية"؟!! والزميل ماكتفاش، ده بعت تعليق بيقول فيه: "مايكل اللي بتعمله أنت وأصحابك سفالة وقلة أدب"، وكلمة فيما معناها ترضى إن حد يلبس لبس قسيس ويتريِّق عليه؟.. وأنت أهنت برضه كلمة مش فاكرها لأني مسحت التعليق، بس معناها أهنت الزي الإسلامي!!!

طبعًا هو يقصد شكل صورة أخويا اللي عامل نفسه فيها سلفي مربي دقنه وعامل زبيبة صغيرة في قورته.. فالزميل إتهمني بـ"السفالة" علشان "آل سعود"!!

وهنا بقى أصبح الزي الكهنوتي مقابل الزي الإسلامي اللي هو الجلبية البيضا واللحية والزبيبة، يعني شيوخ الأزهر مش بيلبسوا زي إسلامي يا عيني لأنهم مش بيلبسوا اللبس ده.. إللي أنا أعرفه إن زي رجل الدين المسيحي في "مصر" يقابله زي شيوخ الأزهر، أما لبس الإرهابيين ده اللي جاي من "السعودية" يغووور في ستين داهية..

بالإضافة إلى أن الزميل الفاضل اختزل الإسلام في اللحية والزبيبة، يعني شيوخ الأزهر برضه يا عيني شكلهم مش مسلمين!!!

ده نتيجة المد الوهابي السخيف على أرض النيل، وأصبح من يهاجم لحية متطرِّفة يهاجم الإسلام، ومن يهاجم زي الإرهابيين أو زي رجال شبة الزريبة العربية كأنه يهاجم الإسلام!!!.. أقولها: الإسلام براء من هؤلاء المتخلفين، فأصدقائي مسلمين، وأحبابي وجيراني كذلك.. ولكن وفق الوهابيين هم ليسوا بمسلمين لأنهم لم يطلقوا لحاهم، ولم يربوا "زبيبة" على وجوههم!!!

بعد القصة دي، قرَّرت إصدار قانون "شبة الزريبة العربية"، وينص على التالي: "ممنوع منعًا باتًا التعامل مع البهائم.. من بهائم الزريبة العربية.. وسيتم قطع كل وسائل الإتصال بين "الجمهورية المصرية" أرض النيل والحضارة وبين بهائم آل سعود.. ونناشد المواطنين المصريين الأحرار عدم ارتداء الزي الإرهابي العريق القادم من آل السعود، وهو (الجلباب الأبيض القصير، واللحية، والزبيبة)، فلدينا الأزهر الشريف منارة الإسلام في الشرق الأوسط لا يرتدي تلك الملابس التي يراها البعض أنها الزي الإسلامي الأصيل".

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :