عطية والرئيس

بقلم : د/نجيب جبرائيل

منذعدة أيام ذهب الرئيس عبد الفتاح السيسى بدعوه من محافظ سوهاج ووزير النقل الدكتور / هشام عرفات لأفتتاح الكوبرى الجديد الذى يربط ضفى النيل فى محافظة سوهاج شرقها وغربها وأيضا أفتتاح بعض المشروعات بالمحافظة . وفور أنتهاء السيد الرئيس من قص الشريط وأفتتاح كوبرى سوهاج الجديد واذ برجل قروى بسيط ذهب مهرولا الى السيد الرئيس يصرخ يريد مقابلتة وهنا اعترضة ومنعة الحرس الخاص بالرئيس وعندما رأى السيد الرئيس وسمح بصرخات هذا الفلاح البسيط أمر الحرس بعدم منعه والسماع له بالحديث مع الرئيس فدار الحوار بين الفلاح البسيط  وسيادة " الرئيس عبد الفتاح السيسى " على النحو التالى :-

 أنا يا ريس المواطن المصرى البسيط الفلاح / عطية عبد الله جاد الله من قرية شطورة محافظة سوهاج جاى أقابلك يا ريس وده كان أحسن شئ فى حياتى .

الرئيس: طلباتك أية يا عم عطية والرئيس كعادتة يحنو بوضع يدة على كتف عم عطية ؟

 عم عطية يا ريس الحياة غليت ومش عارفين نعيش يا ريس 

الرئيس : لية يا عم عطية أنت بتشتكى من اية بالضبط ؟

 

عم عطية: عم عطية العيشة غليت يا ريس حتى الميه اللى بنشربها غليت رغم أحنا بلد النيل 

 الرئيس : مش أنت عارف يا عم عطية ان الميه بقت مهمة دلوقت علشان بنزرع منها وأنت عارف مشكلة سد النهضة ؟

عم عطية: يا ريس طيب الميه ورضينا بيها طيب يا ريس مش بيقولوا أن عند حقل غاز كبير قوى أفتتحتة عندنا الشهور الماضية وبيجيب كام مليون من الغاز طيب لية غليتة علينا أنبوبة البوتجاز ؟

الرئيس: من الرئيس يا عم عطية انت مش عارف ان الغاز برضة محتاجينة فى المصانع اللى بنبنيها وكمان لسة الانتاج ما وصلش لسد الاحتياج المحلى 

س: من عم عطية طيب يا ريس أحنا مش قادرين نسافربالقطر لولادنا فى مصر لأن تذكرة القطر غليت علينا ؟

ج: الرئيس معلش يا عم عطية السكة الحديد عايزة 15 مليار جنية علشان نصلح حاجات فيها من زمان باظت علشان كده رفعنا التذكرة 

س: عم عطية يا ريس والكهرباء يا ريس الفواتير بقت ولعة أعمل ايه مش عرف نعيش من الكهرباء وانبوبة البوتجاز ؟

ج: الرئيس معلش يا عم عطية كلنا بنستحمل .

 وسؤال مفاجئ من الرئيس 

قولى يا عم عطية أنت عدد أفراد أسرتك كام وداخلك كام ؟

 عم عطية أنا والولية وولدين وبنت يعنى خمسة يا ريس 

الرئيس : ودخلك بيكفيك يا عم عطية . يا ريس أنا عندى قيراط طين بازرعة زرعتة فى السنة زرعة قمح وزرعة برسيم وبعد المصاريف بيتبقالى الف جنية بالعافية فى السنة وناخد معاش التكافل الأجتماعى 500 جنية وابنى الكبير وعيالى ربنا يخليك يا ريس فى المدارس 

 من الرئيس وازاى بتعيش يا عم عطية وبدبر حالك ؟

عم عطية : يا ريس اهه كانت مستورة الدنيا معانا لكن بعدما الدنيا بقيت نار مش عارفين نعيش 

س: الرئيس : قولى يا عم عطية أزاى بتوزع دخلك على بيتك ؟

ج: عم عطية اهه يا ريس عايشين يا يدوب فرخة كل 15 يوم واللحمة من الموسم للموسم وبندبر حياتنا ربنا اللى ساتر 

س: عم عطية يا ريس انا عايز أقولك المواطن البسيط اللى زى مش الغنى وغاليبة المصريين غلابةهايكفية ازاى الف ولا الفين ولا ثلاثة دة يا ريس اذا اكل كل شهر كيلو لحمة وكل اسبوع كيلو رز بخضارة يعنى فى شهر حتة اللحمة 120 جنية + 10 ارز +20خضار = 150 جنية دى اكله لحمة فى الشهر طيب نيجى نحسبها فى اليوم 5جنية فول  2جنية عيش فى اليوم ونصف كيلو سكر 5جنية وباكو شاى 3 جنية وفرخة على يومين 20 جنية فى اليوم وربع جبنة بيضاء للعشاء يعنى حوالى 30جنية فى اليوم يعنى 900 جنية اكل فى الشهر ودة طبعا على حد الكفاف .

من الرئيس طيب يا عم عطية بتعمل اية فى مدارس العيال ؟

عم عطية انت عارف يا ريس الدروس الخصوصية بقت نار عندى الولد الكبير فى الثانوية العامة والبنت فى الاعدادية كل اسبوع الكبيرمش أقل من 300 جنية والبنت 100 جنية يعنى مش اقل من 1500 دروس خصوصية .

من الرئيس : طيب يا عم عطية طيب بتدى دروس لية مش فيه مدارس حكومة ؟

ج: من عم عطية يا ريس انت عارف حال مدارس الحكومة هو فيه مدارس يا ريس دا بيطلعوا لحد الاعدادية مبيعرفوش يكتبوا أسمهم دة فيه مدارس حكومية يا ريس بعد شهر3 متلقاش حد فى المدرسة
 

من الرئيس : معاك حق يا عم عطية لازم التعليم يتصرف علية كويس مش قولتلك يا عم عطية ان التعليم بياخد من الميزانية كتير 

 من الرئيس وطيب عاملة اية المستشفيات عندكم ؟

 عم عطية عيب يا ريس أقولك عن حال المستشفيات بالعربى يا ريس الى معندوش فلوس يموت لا قدر الله اذا جالة مرض وهو فيه اية غير كام حباية بناخدها لما نروح التأمين الصحى ويقولنا هو دة الموجود ونصف الدواء مش موجود .

الرئيس معاك حق يا عم عطية وانا اديت توجيهات بالذات لرئيس الوزراء علشان الصحة والتعليم والجهاز الادارى بالدولة لانى عارف يا عم عطية هاتقولى لما تروح الوحدة المحلية او الجمعية الزراعية علشان تاخد الكيماوى أو تجدد الرخصة الزراعية هتلاقى فساد وروتين . 

عم عطية : اهه انت قلت يا ريس ما سيادتك انت عارف كل حاجة 

الرئيس : طبعا بالتأكيد الامور دى كلها لازم تتصلح .

الرئيس : مش يا عم عطية مش انت شايف الدولة بتعمل مشروعات كبيرة وعملاقة زى الكوبرى اللى احنا صرفنا علية ملايين الجنيهات النهاردة وكمان قناة السويس والعاصمة الجديدة والطرق السريعة والمصانع .

عم عطية : يا ريس احنا ناس غلابة لا معانا عربيات ولا معانا مكيفات علشان نمشى على الطرق السريعة ونعيش فى الشقق الفاخرة احنا غلابة بنكمل غدانا نوم يا ريس .

من الرئيس : بس المشروعات ديه ضرورى لاولادك وللاجيال القادمة .

عم عطية : بس يا ريس احنا عايزي نعيش ناكل ونشرب ونعلم عيالنا وتخلو بالكم من صحتنا 

الرئيس : معاك حق يا عم عطية 

 من عم عطية : بالذمة يا ريس مش بيقولوا عندنا ميزانية كبيرة 45 مليار دولار وان الكويت والسعودية والشيخ زايد وفرنا فلوس كثيرة قوى راحت فين متزعلش منى يا ريس .

 من الرئيس : طبعا كلامك صح يا عم عطية لكن الحاجات دى راحت على المشروعات الكبيرة وكان عندنا ديون وانت عارف اجور الموظفين فى الدولة 

من عم عطية : طيب يا ريس مش من حق الناس الغلابة يا ريس تعرف انتم بتعملوا اية أحنا بنحبك يا ريس لكن الناس اللى حوليك مش ما خلينا نعرف حاجة . وخاصة المطبلاتية يا ريس

من الرئيس : لا يا عم عطية لازم الناس تعرف كل حاجة انى عارف انى جيت هنا عشان خاطر الغلابة وانت معاك حق والشعب معاه حق ولازم الشعب يعرف كل حاجة فى وقتها .

عم عطية : شكرا يا ريس حققت اغلى امنية عندى انى شفتك يا ريس . وطلعت كل الى جوايا .
 

ملحوظة : هذا الحوار تخيلى وليس حقيقى ومن وحى خيالى كل الشكر والأحترام لأهالى شطورة .