بقلم: ميلاد منير

يكونش نصيب؟

طيب سوء اختيار؟

يمكن شوية غبار؟

ليه ضاع منك القرار؟

فكر شوية.. انت ليه محتار؟

جوه ذاتك أسرار؟

في قلبك نار؟

مش عارف تجاوبني؟

بس لو متهيألك إنك مجروح

إنك من غير طموح

إنك كيان منهار

سامحني هاقولك..

هو بس سوء اختيار

بتحكيلي عن زمان

عن الحب وعن اللي كان

عن الفرقة وعن النسيان

كان صعب كان سهل

كان زي مكان

دلوقتي بقى ماضي

مالوش في قلبك مكان

الدنيا مجتش على هواك

حلمك خنقته الأشواك

وحيرتك الأفكار

مش أنت السبب؟

حد غيرك اختار؟

دي طريقك ومشيت فيها

لسه فاكر إنها "تيهه"؟

لسه فاكر تحتار؟

صدقني هو بس

سوء اختيار..

 

 

 

 

 

 

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :