شيرين تكشف تفاصيل واقعة البحرين: "الهوا كان بيطير الفستان.. وكنت بهزر"

قالت الفنانة شيرين عبدالوهاب، إنها حزينة من شائعات القبض عليها، والتي أطلقتها بعض القنوات الفضائية ومنصات التواصل الاجتماعي.

وأضافت خلال مداخلة هاتفية مع الإعلامي عمرو أديب، خلال حلقة اليوم، من برنامج "الحكاية"، عبر فضائية "MBC مصر": "أنا بتكلم أهو وقاعدة في بيتي بخير ومفيش جهة رسمية أجبرتني على ده، عمري ما كان عندي مشاكل، بس أنا حاس إن فيه حد متربص بيّ، وده مش أول موضوع يكبروه، وفي حد عاوز يبوظ صورتي قدام الناس".

وعما حدث في حفلتها الأخيرة بالبحرين، قالت "شيرين": "دخلت حفلة في البحرين والهواء كان بيطير الفستان، وكنت بهزر مع الناس وقلتلهم إني لو قلت أي حاجة في مصر هتحبس، وكنت بتكلم عني لأني مش أول مرة أتكلم وتحصلي مشكلة وكلامي يتحور".

وتابعت: "أنا مظلومة وحسبي الله ونعم الوكيل، وجوزي كان عامل عملية  هيموت لما عرف إني في خطر وبناتي بيسألوني هتحبس ولا لأ".

وواصلت: "أنا محطوطة في موقف مش حلو، وحاسة إني سبب إزعاج للي حواليّ".