وجّه الشاعر المصري "عبد الرحمن الأبنودي" رسالة لتيار الإسلام السياسي عبر تويتر الخاص به قائلاً: وفى الخداع.. حَرِّيفَة.. ناسْ دُنيا مش ناس دين.. مين فِيكو يِنْفَع خَليفة.. وكُلكم.. كدّابين!؟

ما عادْش فى الأمْر لُوم .. فاكريننا خُرْس وْبُكْم.. وبتلحَسُوا كل يوم ... رِجْلين كراسى الحُكْم!!

 

وأستطرد في تهنئة لأقباط مصر: نصرانى صاحبى وكنا بنقسم اللقمة. حارِب معانا العدو له قدانا فى النصر. اللى نجح فى انتزاعِ الفجر م العتمة. كيف تقدروا تنزعوا حقه فى كلمة مصر!؟

 

وتابع: أنا الوطن نُصِّى مسلم نصى نصرانى. الناقص اللى هنا بيكمله التانى. مسلم أنا والمسيحى شايله فى النِّنِى! (كل عام وأنتم بخير أخواننا الاقباط).

وحول سوء الأوضاع الاقتصادية قال: باب المجاعة حينفتح يا.. جماعة!! ومين ساعتها مِ الطوفان يحميكوا؟ راح يِحْتِمِل جوعُه الفقير كام ساعة قَبْلِنْ ما يِبدأ نَهْش جِتِّة ابوكو؟!

 

يِقتلونى تُلْتُميت مرّة.. وأَحيا.. كلُّه بيتاجِر بأحلامى وآلامى.. كل داهية مِنُّهم بِتْجُرّ داهية.. وحرامى لئيم.. يسلِّمنِى لْحرامى!!