بقلم: جاك عطالله انا موش عارف ليه الشعب المصرى موش فاهم حدوته الاخوان والسلفيين واللى بيحصل دلوقت فى مصر وايه النهاية المحتومة للموضوع ده ??? مع ان الجواب باين من عنوانه والحكاية معروفة من اول الاخ طقطق لغاية الاخ سلامو عليكو طقطق هو اللى ابتدا وسلامو عليكو هو اللى ها يدفن ويجيب ضرفها ويبيع الحديدة.

 

-والحكاية موثقة بملفات وتقارير من اوائل التسعينيات من القرن امريكا بعد كوندوليزا رايس ما تمعننت وفكرت كاعظم عقلية امنية سياسية فى امريكا بحثت الاجهزة الامنية و السياسية والمخابراتية كيفية تنفيذ فكرتها فى الفوضى الخلاقة وخرجت بخطة متكاملة اسمتها للفكاهة والتنكيت و التبكيت -الربيع العربى -متضمنة الاماكن - الزمن- الوسائل - المقاولين -والنهاية --- امريكا بعد العراق و افغانستان وباكستان والصومال قررت لبس قفازات حريرية واحترام نفسها وشعوبها والاقتصار على التخطيط واعلان المناقصات وترك العمل الحقير للزبالين.

 

واعلنت عن مناقصة الربيع العربى الاولى وتشمل كل الجملوكيات العربية حسب كراسة الشروط وسيليها بقليل المناقصه الثانية لتفتيت العزب الملكية كانت المناقصة الاولى -هدم دول المنطقة المحددة بكراسة الشروط على راس حكامها وشعوبها واعادتها للقرن السادس الذى تبين لامريكا انه احسن القرون لنفخ هذه الشعوب و اللعب باساسها -وعقابها على غبائها الشديد وعدم تمدينها وعدم تحضرها و حنينها لعصر الابل والفشل والحروب والغزوات والسيوف والاغتصاب والفقر والاستعباد اردتم وتمنيتم القرن السادس ؟؟

 

حاضر غالى والطلب رخيص سنعيدكم لهذا القرن السعيد وعلى ايدى عملائنا منكم فيكم و اشربو بقى . تقدم للمناقصة كونسورتيوم هدد واحد هو اتحاد الهدادين و كنيته الاخوان المسلمين وطبعا داخل كمه يكمن صبيانه من التنظيم السرى وجماعات الاسلام السياسى بكل فروعها وكل ذقونها وكل السنتها وكل عفانتها وشطحاتها وارهابهاواسلحتها وعمالتها و متحالفيها - الا اونا الادو - مخططنا كالاتى واحد اتنين تلاته اربعه - واضح ؟؟ يا نفر انت وهو ؟؟؟-

واضح يا شيخنا اوباما -

 

واحد اتنين تلاته واضح؟؟- واضح يا شيخنا -الالتزام بالمدد الزمنية حسب جدولنا الاتى ...- ادوات الهدم كالاتى ...- الانقاض ومخلفات الهدد ستذهب للاماكن الاتية... حاضر من عنينا احنا مستنيين ده من زمان قوى تعال يا حسن مالك وقع ..حاضر دا يوم المنى - تعال يا بديع وقع ...حاضر - تعال يا خيرت وقع ...حاضر - اللى ها يفشل نهايته سودا ها ننفخه فاهمين؟؟

 

لا ماتخافش يا شيخنا اوباما احنا بنتمرن من تلاته وتمانين سنه من ساعة الانجليز الله يمسيهم بالخير عملونا وانتو بقيتو اسياد الانجليز وحق علينا السمع والطاعة -لكبيرنا الشيخ اوباما ونائبه الشيخ بنيامين نتنياهو-- -هاتبتدو بليبيا وسوريا ومصر واليمن فاهمين ؟؟ عينينا ياريس اوباما انت تؤمر - كلمة سو واحدة ولا اى قلة ادب او شتيمه على ستكم امريكا او ستكم اسرائيل او مظاهرة واحدة او رصاصة كده ولا كده نهاركم اسود من النيلة فاهمين ؟؟

 

حاضر يا باشا انتم اولياء نعمتنا هو فيه حد يشتم اسياده اوباما ولا نتنياهو دا حتى يبقى قلة اصل - الهدم للاساس وتحت الاساس لو قدرتو -حاضر يا شيخنا اوباما - ضرب الجيش و الاستيلاء عليه وتغيير كل القيادات فيه لقيادات هدمية تبعكو حاضر يا شيخنا - هدم الشرطة وتفتيتها حاضر - تفتيت المعارضة ومحاصرتها --حاضر -- قتل اكبر عدد من المصريين بميليشيات التنظيم السرى الاخوانجى و حماس و حزب الله والحرس الثورى الايرانى لنستدرجه لمصر ونعرف اسراره -حاضر - حرب اهلية لتفتيت مصر وافلاسها نهائيا - حاضر --

 

عدم حل اى مشكلة مستعصية لا بطالة ولا امن ولا حدود ولا اقباط ولا مراة ولا اقتصاد ولا اسعار- - حاضر يا شيخنا - -انهيار وجوع واذلال وقتل واغتصاب جماعى و خطف للاقباط وحرق كنائس و ضرب للاقتصاد القبطى وتطفيش او اسلمة الاقباط باعلانهم كفار علنا والكافر يقتل ويستحل ماله وشرفه وبناته حاضر من عينينا دى بالذات ها نعملها بمزاج ونفنن فيها و كمان اول حاجة علشان ناخد فلوسهم اصلهم جماعه عبط وفلوسهم كتيرة وسهله -

 

وادى الحكاية من طقطق لسلامو عليكو - ونسيت اقولكو ان طقطق هو محمد بديع وسلامو عليكو هو خيرت الشاطر وان الاخ اللى ادى المقاولة هو الشيخ حسين اوباما ونهاية المقاولة قريب لما ترجع المنطقة مشيخيات وامارات وقبائل يحارب بعضها بعضا على الماء والكلا والمال والنسوان زى ما بيحصل فى ليبيا دلوقت وبركاتك يا شيخ اوباما