صاحب القهوة

الجمعة ١٩ يوليو ٢٠١٣ - ٤٩: ٠٣ م +02:00 EET

حجم الخط :

مينا عطالله

صاحب القهوة يعني صاحبي اللي معاه عل القهوة

نقعد علشان نضحك بس . في الموقف تلاقيه يتهز . ده ماحصلش النص نص . اللي في شدتي لا عمل ولا سوا صاحب القهوة

نقعد علشان نسمع نكتة . ولا يواسيك في همك حتي . ده ماحصلش خيار ولا اتا . عايز 100 قلم علي سهوة صاحب القهوة

صاحب كل حياته نميمة . يتكلم علي رشا ونعيمة . وكلامه اللي في بُقه شتيمة . والشر في حياته الشهوة صاحب القهوة

عايش كل ايامه فراغ. وتحس انه مالوش دماغ . ولو فكر راح تلاقيه داخ . علشان اصلا روحه فهوة صاحب القهوة

صاحب القهوة ده صاحبك بس دلوقت

لكن لما تعرفه اكتر تتعب اكتر مع الوقت

وتعرف انه رخيص مش غالي ولب تسالي يسلي الوقت

صاحب القهوة ده صاحب طيشة

وقت الشدة بيعمل عيشة

يحكيلك ماساة الدنيا ويكرهك في ام العيشة

سيبك منهم علي علوكة واشرف كوخة وعادل فيشة

ولو حبيت تتسلي ماتلعب بلياردو او ويجا

ولو خرمان وطالبة معاك تشرب شيشة .. طب ما تصاحب صاحب القهوة

تابعونا على صفحتنا علي الفيسبوك
رابط دائم :

تقييم الموضوع :

الأقباط متحدون