مينا مجدى
بتكسف زي البنات قدام عينيكي
بتلخم وانسي اللي عايز اقوله ليكي
والكلام بالعافيه يطلع
والقصايد ببقي صعب اكتبها فيكي
واتقمص من نفسي خالص
إني مش عارف اجمع
تضحكي وعينك تدمع
فجأه اقولك أي حاجه
م التوتر مش بركز
القي قلبك راح قايلي :
اخلص .. إنجز
ضحكتك تديني جرعه من الشجاعه
بس بلقي كلام بقوله ف ثانيه واحده
ليكي واخد نص ساعه
والحاجات الحلوه فيكي مش بتخلص
أه قصادك مش ف إيدي غير سكات
واتكسف .. زي البنات !
