عارفه يا مريم .. ،
انتي خساره ف عالم فيه الناس وحشين
انتي ملاك ،
صعب يعيش مع بني أدمين
والسما أحسنلك بكتير
يعني الموت يا حبيبتي ف صالحك
جيتي عشان تحضري إكليل
واتاريه فرحك
والأفراح ف الملكوت أكتر
عارفه يا مرمر
انتي بقيتي شهيده كبيره
مع مارجرجس بقي والعدرا
وملايكه حواليكي كتيره
بابا يسوع شايلك علي حجره
و هتنسي ف حضنه التعويره
وهيفضل يلعب وياكي
ويسيبلك علي خدك بوسه
بعد ما كنتي من المعازيم
ربنا حب تكوني عروسه !
