بقلم : مينا عطا الله
كانت طفلة وماتعرفش كتير في الدنيا
كانت فرحة وبهجة وقلبت حزن في ثانية
صحيح انا معرفهاش بس انا شوفت صورتها
وانا بكتب إكمني بحس طفلة وفجاة هدموا حياتها
بس سؤال هايجنن امي ! عملت ايه البنت ديا ؟
كانت مثلا غاوية مشاكل ! كانت مثلا غاوية أذية !
ولا مجننة اهل الشارع والناس عارفة دي بنت شقية
ولا ده كان في مجرم هارب كشفوا عليها وطلعت هي
ولا علشان كانت في كنيسة ! ولا علشان كانت مسيحية !
مين قال إن حياتها رخيصة ؟! ليه دايماٌ إحنا اللي ضحية ؟!
خليتوا الواحد مكبوت . عايزين انتوا الشر يسود
طيب بصوا هاقولكوا حاجة : موتوا مريم - موتوا مينا
لكن الحق مش هايموت
ولا قصدي اسخن واولع . ولا قصدي اهلل بالصوت
وتبقي حمار لو فكرت هنضرب نار
او فكرت هناخد الثار
مش ضعف ده مننا لكن ده علشان
ربنا موجود
