لما تصحى الصبح على حادث مروع زى كنيسة العذراء فى الوراق .
وتشوف على قنوات التليفزيون القتلى والمصابين . وتعرف ان فى اتنين ملثمين على دراجه ناريه .
ضربو نار بعشوئيه على اهالى فى فرح. وتعرف ان اللى مات ام العريس وطفلين من احفادها وراجل كبير اسمه عم سمير .وكانو منتظرين العروسين امام الكنيسه ولما العريس وصل الكنيسه شاف امه مضروبه بالرصاص وابوه ماسك اديها وبيبكى بحرقه عليها والعروسه فى حالة ذهول ... ودلوقتى هتخيل نفسى مكان كل واحد في الموقف ده ودلوقتى انا هحط نفسى مكان العروسه اللى بقلها مش اقل من السنه بتجهز نفسها لليوم ده . سنه كلها تعب فى توضيب عش الزوجيه السعيد .اللى هتكمل فيه اللى باقى من حياتها..
بعد ما خلصت الكوافير والاستديو كان شكلى جميل اوى واصحابى بيهيصولى ويغنولى بفستانى الابيض الجميل. اللى طول عمرى كنت بحلم بيه . وانا داخله على الكنيسه لقيت زحمه كتير اوى اكتر من اللى كن متوقعاها.. فرحتى زادت الطاق طاقين . كل دى ناس يااااه اشكرك يارب لكن لما العربيه وقفت قدام الكنيسه اتصدمت من وشوش الناس بدل الزغاريد والغناء. بكاء ونواح ودم مغرق الارض و حماتى سايحه فى دمها واطفال وكبار مرميين على الارض وبيصرخوا . وكاهن الكنيسه اللى كان هيعمل الاكليل بتاعى عمال يصرخ يارب ارحم . انطفت فرحتى وفستانى الابيض اللى حلمت طول عمرى البسه اتحول اسود فى عنيا وهنا فقدت الوعى والنطق ... ودلوقتى هتخيل نفسى مكان العريس بقالى يومين منمتش علشان بفرش شقتى وبحط لمساتى الاخيره وخلاص فضلى ساعات وهكون متجوز وارتاح بقى من تعب السنين علشان اكون اسره اشكرك يارب ان كل التعب ده عدى على خير .بدله شكلها حلو اوى عليا يا امى . مبروك ربنا يهنيك بعروستك ويفرح قلبك ويرزقك بالذريه الصالحه اللى تربيها فى مخافة ربنا وحب الناس .
بعد ما خلصت الكوافير والاستديو كان شكلى جميل اوى واصحابى بيهيصولى ويغنولى بفستانى الابيض الجميل. اللى طول عمرى كنت بحلم بيه . وانا داخله على الكنيسه لقيت زحمه كتير اوى اكتر من اللى كن متوقعاها.. فرحتى زادت الطاق طاقين . كل دى ناس يااااه اشكرك يارب لكن لما العربيه وقفت قدام الكنيسه اتصدمت من وشوش الناس بدل الزغاريد والغناء. بكاء ونواح ودم مغرق الارض و حماتى سايحه فى دمها واطفال وكبار مرميين على الارض وبيصرخوا . وكاهن الكنيسه اللى كان هيعمل الاكليل بتاعى عمال يصرخ يارب ارحم . انطفت فرحتى وفستانى الابيض اللى حلمت طول عمرى البسه اتحول اسود فى عنيا وهنا فقدت الوعى والنطق ... ودلوقتى هتخيل نفسى مكان العريس بقالى يومين منمتش علشان بفرش شقتى وبحط لمساتى الاخيره وخلاص فضلى ساعات وهكون متجوز وارتاح بقى من تعب السنين علشان اكون اسره اشكرك يارب ان كل التعب ده عدى على خير .بدله شكلها حلو اوى عليا يا امى . مبروك ربنا يهنيك بعروستك ويفرح قلبك ويرزقك بالذريه الصالحه اللى تربيها فى مخافة ربنا وحب الناس .
ربنا يخليكى ليا يا امى يا احلى ام فى الدنيا . طب يا حبيبى رح خد عرستك من الكوافير علشان علشان تلحق الاستديو وانا هسبقك على الكنيسه . ربنا يخليكى ليا يا حببتى وميحرمنيش منك ومن دعواتك ليا يا ست الكل اول ما نزلت من البيت لقيت اصحابى عاملين يهيصولى واخدونى على الكوافير ودخلت اخد خطيبتى اللى هتبقى مراتى بعد شوايا كانت اجمل عروسه فى الدنيا كلها وكان قلبى طاير من الفرحه وكأنى اول مره امسك اديها وابص فى عنيها الجميله وبعد ما خلصنا الاستديو واتصورنا صور للذكرى السعيده دى رحنا الكنيسه شفت ناس كتير فى الشارع واضح ان فى افراح تانيه فى الكنيسه غير فرحى بس الناس شكلها مش طبيعى. ايه ده فيه ايه واول مانزلت من العربيه لقيت اخواتى واقفين جنب ناس على الارض بينزفوا دم من كل حته مين دى اللى على الارض دى امك ولقيت امى قدام باب الكنيسه مبتنطقش دى ماتت خلاص نسيت انى عريس وكنت بصرخ بصوت مش مسموع ومسكت الايدين اللى كانت بتدعيلى الصبح وهيا غرقانه فى دمها ومبتتحركش واول مره فى حياتى اشوف عيون ابويا وهيا بتدمع على شريكة حياته اللى مش هيشفها تانى بعد النهارده حسيت بعجزه من نظرة عينيه اللى كانت مليانه الف سؤال والفرح اتنزع من قلبى وانا شايف عيون امى مغمضين بعد مكانت منوره حياتى بحبها وتشجيعها ليا ولقيت ادين الناس بطبطب على كتفى وتقولى شد حيلك وربنا يصبرك قلت ساعتها وياترى ايه اللى ممكن يصبرنى على فراق الحضن اللى كان بيضمنى فى فرحى وفى احزانى وياترى هينفع افرح تانى بعد ما تحولت حياتى لجحيم بذكرى مش ممكن تتمحى من حياتى بسبب ناس طمعانه فى سلطه او طمعانه فى فلوس وادفع انا وعايلتى التمن ....
وبعد ما فقت من سرحانى على الصبح فى الموضوع ده قلت ل اخويا امال فين الحكومه اللى بتحرس الكنايس ؟ قلى حكومة مين يابا صبح صبح ياعم الحج . فاقمت مصطبح على الصبح ولبست هدومى ونازل على شغلى اكمل مسيرت الحياة
