عجبي

بقلم: ميرفت عياد
تحيا جمهورية مصر الصينية  صدرتوا لينا حتى المهلبية
ومبقاش فاضل غير تصدروا بني أدمين متعبية
عجبي!
ـــــــــــــ
اوعى تقول لي دي بلد شهادات دي بلد فيها التعلب فات 
وفي ديله سبع شهادات  عاش  بيهم محروم شحات        
 عجبي !
ــــــــــــــــــــــــــــــــــــ
جزوا لحمك يا بنيه بالسكين فاكرين بيحموا شرفهم بالتختين    
بس الأكاده ان الضنى من كتر الخوف  لا تتحط الراس فى الطين
عجبي !
ـــــــــــــــــــــــــــــ
اتشوه الفن وضاع الإبداع هبط بذوق الناس للقاع
ولما تيجي تحاسب صناعه يقولك المهم أنه متباع
عجبي!
ــــــــــــــــــــــــــــــــــ
عصفور بجناح مكسور حزن في القلب محفور
وإيه بينهم الشبه غير أن الاتنين مقيدهم ألف سور
عجبي !
ـــــــــــــــــــــــــــــــــ
رميت مرايتى بطول دراعى اتعجبت وقلت لنفسى ايه الداعى
رد جزء منها مكسور وقال لى علشان وريتك حقيقتك بعد طول خداعي
عجبى !