بقلم زهير دعيم
تعلَّق قلبي بالمصلوب
ربّي إلهي هالمحبوب
لاقاني والدّنيا غْروب
غيّر قلبي وأحوالي

طار الخوف وفرّ الهمّ
لمّا غسّلني بالدم
قلّي خلاصَك صار وتَمّ
يا محبوبي يا الغالي

حوّطني بلهيب نارو
ومسك إيدي بمشوارو
وزرعني زهرة بدارو
يسوع عزّي وموّالي

فرحتي فاقت الحدود
لمّا عَ صدرو بقيت مسنود
الهي ربّي المعبود
صار حبيبي يا نيّالي
 

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :