بقلم: توماس بشاي
ورقه و قلم و فرحه و الم و ايد بالحق بتجمع و عين بالعدل بتدمع و قانون بيساوي و حضاره و هرم انسان محترم بس كفايه و لمبه جاز وشعب اصيل حاطط جوه اللمبة فتيل و موصلها بفرع النيل عشان النور لما ينور جوه الضلمه يحمينا اصل اللمبة لما تنور هاتنور لاحمد و لمينا لازم يجي اليوم يا بلدنا اللي ننسي فيه اسمينا و نفكر بضمير و نشوف الضلمه اللي هاتعمينا اصل ساعتها اصل ساعتها و لا هانشوف احمد و لا مينا و هاتمشي بلدنا من جنبينا اصل بلدنا ديا سفينه يوم ماهتغرق يوم ماهتغرق هاتغرق بينا لازم نعرف اننا بشويه نور علي قدينا علي قد اولادنا قد بلادنا علي قد سنين الحرب فسينا لمبة جاز راح تدينا عيال و كبار و امان في الدار و شويه نور و رغيف و عقل مفكر و شريف و شويه ميه يحمونا و شويه عدل و مساواه و شويه رؤسا يكفونا يحبونا لمبة جاز جايه تساعد و تغيرنا جايه تحبنا و تفكرنا و تنسينا و تنورنا لمبة جاز !!! بشاي
