بقلم: زهير دعيم

لمّا الشّرّ براسو يطُلّ
 والهمّ يرفع أصواتو
بصرُخ ليسوع ربّ الكُلّ
ت يغطّيني بدمّاتو

ما بِتأخَّر ما بِخِلّ
بوعدو وبجوابتو
بيجي قبل نْزول الطَّلّ
وبِغْلب الليل وعتماتو

 جَرِّب وازرع حوضك فُلّ
 واقلع منّو شوكاتو
وخلّي الرّوح لمّا يهِلّ
يسقي بالحُبّ زرعاتو

 لا تيأَس وإيّاك تمِلّ
وتقول بعدت طلاتو
خلّيك مؤمن وظلَّك طُلّ
على الكون ونجماتو

نصيحة منّي يا خِلّ
ادرس واحفظ كلماتو
هو الفادي ، هو الكلّ
الّلي فدانا بحياتو

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :