بقلم:عزة صبحى
شعرت بلادنا بحال المواطنين الغلابة المحرومة من اكل اللحوم فاصدرت قرار اليوم بدعم اللحمة وتوزيعها على البطاقة للمواطنين الكادحين المستحقين الذين لم يروا اللحمة سوى معلقة عند الجزارين حيث قررت دعم كيلو اللحمة للفرد الواحد ب خمسة جنيهات فى الشهر على البطاقة و هو حر يقطعها حتت حتت طول الشهر او يحتفل بها مرة واحدة المهم انه يقدر يلمسها فعلا بايده ويدوقها كمان بلسانه ويطحنها باسنانه ويمتع جهازه الهضمى غدده وكل ما فيه بطعم اللحمة المتشعلق بيه ، والشعب طبعا لانه طبقات ومنهم أنفين وأنفات وأقرع ونزهى وقرعة وبتعمل حركات فمنهم من ظن ان اللحمة فاسدة وغير صالحة للطعام ومنهم اللى قال اللحمة دى لحمة خنزير عشان عددنا كبير واللحمة نقطة ضعفنا والبلد عايزة تتخلص مننا ، ولكن الشعب المطحون هلل واتجنن جنون فرحان بالقرار العظيم مهمهوش لحمة بقر او كلاب ولا خنازير وخرجوا حاملين الاعلام فى الشوارع يرقصون ويطبلون ويغنون اللحمة ب 5 جنيه اللحمة ب 5 جنيه فرحة كبيرة ف الشوارع ولا تقولى كاس امم ولا عالم اللحمة ب 5 جنيه ربنا يستر ع الشعب وعقله لا اللحمة نافعة ولا الحرمان نافع ولكن اللحمة ع البطاقة وب 5 جنيييييييييييه قولوا هييييييييييه هيييييييه هيييييه
