نادر شكرى
تحدثت سعاد ثابت " 70 عاما " عن الواقعة المؤلمه التى تعرضت لها من تعريتها من قبل متشددين بقرية الكرم مركز ابوقرقاص بالمنيا ، وقفت السيدة وهى تتحدث بتلقائية عن الجريمة الغير انسانية التى تعرضت لها فى لقائى بها فى يوم طويل اثناء تحريرها محضر بالواقعة .

قالت السيدة البسيطة وهى تتحدث لي بلهجة تلقائية " بهدلونى يا بيه حرقوا البيت ودخلوا جابونى من جوه، ورمونى قدام البيت وخلعونى ، هدومى يا بيه زى ما ولدتنى أمى مخلوش حاجة حتى ملابسى الداخلية وأنا بصرخ وابكى ، وبعدين ربنا خلصنى من ايدهم ، وناس خدونى جوه بيتهم اخدت جلبية قديمة ولبستها وبعدين ، جات الناس تساءل علي فرد اهل لبيت وقالوا لهم مش موجوده".
 
وأضافت السيدة: "إن من قام بهذه الجريمة معها هم " نظير اسحق أحمد وهو زوج السيدة المسلمة ، ووالدهم اسحق احمد وشقيقه عبد المنعم اسحق احمد.

وتابعت: أنها ذهبت لقسم شرطة ابوقرقاص وقامت بتحرير محضر بالواقعة التي حدثت معها واستردت لتقول "ابني اشرف ملوش علاقة بالست المسلمة وهى جات المركز وقالت إن زوجها نظير بيشهر بها ورفعت قضية، وهو عمل كده علشان يطلقها ، ولكن احنا ابتهدلنا وكل بيتنا اتحرق وجوزى ضربوه وأنا لحد دلوقت مش قادرة اصلب جسمى بعد ما ضربونى".
 
بكت السيدة بدموع شديدة وهى تقول: "ناس معندهاش ضمير يعرونى فى الشارع وأنا ست كبيرة وكل القرية بتتفرج، وابنى هرب لان لو شافوه كان قتلوه مكنش يعرف انه ممكن يعملوه كده فى ست كبيرة"

ووقالت السيدة وهى تبكى لو كان شرحونى  بالسكاكين كان أهون على من انهم يعرونى .
 

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :