بقلم :نشــأت عــدلي
وكل واحد فينا له حكاية
وكل حكاية
وراها مليون رواية
أسي وحزن ومأسي
حياتنا كلها حكايات
ورا كل بيت حكاية
كل إنسان جواه حكاية
قصة حياتة رواية
مسيرة عمرة حكاية
مرة حكاية حزينة
ومرة مش حزينة
رواية مرّة
وحكاية سارة
بس العمر كله حكاية
وحكاية تجرّ حكاية
ورواية لها نهاية
ورواية من غير نهاية
حكاية تعيش معاك
وحكاية تروّح وتنساك
فيه حكاية بتبدي
وحكاية بنتهي
وحكاية تنتهي قبل ماتبتدي
حكاية تعلمك
وحكاية تأدبك
حكاية حبيب هجر
وحبيب عاب القدر
وحبيب عايش جواك
وحبيب عمره ماينساك
أحلامنا جواها رواية
بتحكي ألف حكاية
للمرض مية حكاية
وللصحة الف حكاية
الحياة ليها حكايات
كل واحد جواه حكاية
ومحدش يعرف ايه هي الرواية
والموت .. من غير حكاية
أو روايـــــــــــــــــــــة
