الراسل : مايكل أسعد
العراق بتصرخ اليك يا يسوع ارجوك مد لها ايديك

العراق العراق  ارجوك تعال هيا عايزك

يا يسوع العراق بتقولك احنا تعبانين ومذلولين

ومش قادرين نعيش نعيش وننام واحنا فى بيوتنا مطمنين

يا يسوع العراق بتنادى عليك وبتقولك نفسنا نكبر ونفرح با طفالنا

ونشوف احفاد ولادنا  يا يسوع العراق بتنادى عليك

وبتقولك عايزنك تيجى وتروح كنايسنا  وترجع لنا ولادنا وبناتنا سالمين

مش يجوا لنيا مقتولين  يا يسوع العراق بتنادى عليك

بتنادى عليك وبتقولك ملناش رب حنين غيرك  يا يسوع اطفال العراق ينادوا عليك

بيقولوا لك نفسنا نكبر ونتعلم  ونروح مدارسنا ونكبر فيها

ونتعلم زى غيرنا من الاطفال  ذنبننا احنا اية عشان نموت مقتولين؟؟!!!

ذنبننا اننا مولدين فى العراق  ولا اية يا رب احنا بجد تعبانين

يا رب بنصرخ لك بالدموع   وقلبنا بالحزن موجوع

بنقولك ملناش غيرك اوعى تسيبنا اوتهملنا

مش عايزين نموت واحنا اطفال لسة صغيرين  لكن نفسنا نكبر ونتعلم ونبقى مفكرين ومبدعين

يا يسوع تعال مد ايديك العراق وشعبها كله بينادى عليك

بيقولك انت اللى خلقتنا وجبتنا هنا فى العراق لكن لقينها مليانة ذل ومهانة وعذاب

كل ده يا ربى من صنع الانسان لقينا اغتيال وذبح اطفال

غدر وسيوف كل يوم بدبح فى الابرياء يا يسوع اطفال العراق بينادو عليك

بيقولك لك نفسنا نتربى فى حضن ابونا وامنا  مش نصحى من النوم

نلاقى اهلنا ابونا وامنا جنببا مقتولين...   اباء وامهات العراق يا رب بيصرخوا اليك

بيقولوا لك نفسنا نفرح باولادنا...   نفسنا نكبر بناتنا ونعيش فى امان فى بلدنا

ام بتصرخ يا رب بتصرخ لك .....ابنها مات مطعون مقتول

واب اتحرق قلبه من كتر الدموع....وبنت بقيت وحيدة بعد ما مات وتقتل اخوها

اطفال كتير فى العراق يا رب مشردين...ما لهمش اهل غير انهم وحيدين

لانهم صحيوا فجاة من النوم....لقيوا اهلهم فى بركة ده غريقانين

لانهم لقيوا اهلهم مقتولين ومذبوحين...والبيت مهدوم عليهم ما خلاص بقوا مشردين

كل ده بيصرخ لك وبيقولك تعال تعال اعبر الينا واعنا يا معين

طفل رضيع لسة صغير فى حضن امه بيصرخ سيبونى نفسى اعيش

طفل بيصارع مع الموت وباعلى صوت بيصرخ حرام سبونى نفسى اعيش سعيد

طفل بقى يتيم بعد ما ضاع منه اهله وكل ما ليه  وام بتصرخ وبتنادى ابنى حبيى خدوك منى يا غالى

خدوك منى المجرمين وحرقوا قلبى عليك طول السنين

ام لقيت ضناها تايه  فى بركة دم منها مش باين

اخت بتنادى اخويا حبيبى  انا ليا مين بعد ما قتلوك المجرمين

بقيت وحيدة يتيمة لا اب ولا ام ولا عيلة

لا اخ ولا اخت ولا شجرة تضلل عليها

كله ده بيصرخ لك يا رب ومحتاج اليك  العراق بتصرخ باعلى صوت

بتقول كفاية ارهاب وتعذيب   وسفك فى دم الابرياء

حروب كتيرة وجرايم شنيعة كل يوم بتحصل فى العراق

وشباب لسة فلى ريعان الشباب   لقينهم مغدور بيهو ومقتولين

شباب وكهول واطفال دخلوا الكنيسة عشا يصلوا

وفجاة لقينا القنابل والرصاص من كل جانب يدوى

وحوش داخلة عليهم   ميعرفوش انسانية يعنى اية

ذبحوهم واجسادهم مزقوها  بدمهم سالت بحور جوه الكنيسة

ذنبهم انهم مسيحين ولا اية بجد احنا مش عارفين؟!!!

شباب كانوا بيحلموا بحلم كبير  وفجاة الحلم اتحقق بانهم لازم يموتوا مقتولين

وكهنة كانت بنتادى بالانجيل  لقينهم مقتولين مذبوحين بطعنة من مجرمين

كل هدفهم رعب ودمار المسيحين وطفال لسة صغيرة لقينهم فى لحظة فى شوية دم تايهين

اطفال ابرياء لقينهم فى لحظة مقتولين  ودموع الامهات نازلة من عيونهم

ولا حد هناك قادر يفهم مشاعرهم  دول بشر نفسهم يفرحوا باولادهم

حرام عليهم يعيشوا فرحانين!    العراق العراق فيها كل يوم

اطفال شباب كهول بتموت فى يوم وفى لحظة لقينا

كاهنين شباب لسة صغيرين مقتولين  فى يوم وفى لحظة لقينا

الكنيسة مكان تخريب يدخله المجرمين  يدخلوها ويحطموها وميعرفوش انها ملك المسيح

وبنات كانت نفسها تفرح باخواتها لكن فجأة لقوهم مطعنوين ومقتولين

دول مجرمين ميعرفوش ميعرفوش غلاوة الابن عند امه

ولا قلب الاب اللى بينجرح  على فراق اعز ما عنده

حرام كفاية سيبوهم يعيشوا  نداء من العراق الجريحة

لكل حد يعرف يعنى اية قيمة انسان وحرية  يا يسوع العراق بتنادى عليك

وبتقولك ملناش سند وحصن غير فيك  يا يسوع العراق ملك ايديك

ارجوك ارجوك يا رب مد لها ايديك  يا يسوع العراق ملك ايديك

ارجوك ارجوك احميها من الارهابيين  يا يسوع العراق بتقولك

اطفالنا وشبابنا بيموتوا كل يوم مقتولين  تعال امسلنا احنا التعبانين واشفينا وقوينا

لحد ما نوصل السما ومعاك هنبقى فرحانين وكلمة احب اقولها للى ماتوا مقتولين

حقكم فى السما محفوظ مهما طالت السنين  خلاص بقيتوا فى حضن يسوع حبيبكم

والرب قريب هينتقم من المجرمين  يوم الحساب هيقفوا قدامه كلهم مرعوبين

وفى الجحيم راح يعيشوا لابد الابدبن   هللوا ورنموا وافرحوا بالاكاليل

يا بخت السما بالشهداء اللى ماتوا عن الكنيسة وهما لسة مسيحين

طوباكم يا شهداء يا قديسين  وانتوا يا كهنة مبروك عليكم انكم قدموا حياتكم للمسيح

صلوا لنا فى السما قدام المسيح  ونطلب من الرب الصبر لاهلكم والسلام لك المقربين

هللوا رنموا ايوا كده فرحني   الموت مش نهاية لينا احنا المسيحين

لكن هوا بداية حياة حقيقة لينا عند المسيح  هللويا هللويا هللويا هللويا

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :