شاهد| محمد فؤاد يكشف عن أغنيتين أخذهما منه عمرو دياب: «قلت له ممكن أعمل كده معاك»

تحدث الفنان محمد فؤاد، في برنامج «90 دقيقة»، الذي يذاع على قناة «المحور»، عن الأغاني التي استحوذ الفنان عمرو دياب عليها بعدما سمعها منه في أحد الأيام، ولفت إلى أنه بعدما فشل في الحصول على إحدى أغنياته عمل على غنائها في حفلاته أمام الحضور، وحاول «فؤاد» على أن ينصحة أكثر من مرة بالإبتعاد عن أغنياته لكنه أبى وسجلا الاثنين أغنيتين مكررتان بأصواتهما.

وقال «فؤاد»: «أهي أغنية أنا مش ناسيكي أنا كنت مشتري اللحن وكنت شاريه وهو سمعني كنت بغنيها في مكان، وعجبه اللحن جدا طيب خليهم يعملوا حاجه تانية، لا راح مسخن حجاج ومجدي النجار، المهم قعد يسخن فيهم ملقاش حل وهما مش عايزين يبيعوني له، أو يجيبوا التنازل مني».

وتابع: «فبدأ يغنيها لايف، فوصلي الموضوع ده وروحت كلمته قالي عايزها مليش دعوة، قالي حلوة مليش دعوه، قلتله ممكن أعمل كده معاك وبيسمعوني الشغل بتاعك ممكن أقوم هابش حاجه، فراح عاملها وأنا عاملها باسم ورتيني الويل يا عيني، والتانية اللي هي أغنية ميال وطبعها في الاسطوانة بنسخ كتير وجولي الملحنين البيت روحت طلعت عقدها وقلتلهم خدوها مش هعملها، ومكنتش حاسس أنها هتبقى حلوة علي».