تامر حسني للساخرين من صورته وهو صغير: "يا رب تنجحوا زيي"

 

وقال حسني، خلال تدوينه له على صفحته الرسمية بموقع التواصل الاجتماعي "فيس بوك": "لمن يهمه الأمر، من يومين نزلت صورة ليا وأنا صغير، وشغلت ناس كتير، وفضلوا يتريقوا على الصورة، في الحقيقة إني في الوقت ده فعلاً كنت بحاول أقلد المشاهير في صورهم وأفلامهم وحركاتهم، وبغض النظر عن إنه في الوقت ده كانت الموضات شبه كده، وأنا بقول شبه كده لأني كنت ولد صغير معندوش فلوس نهائي يشتري لنفسه حاجة غالية ولا عنده أب يشتريله حاجه أصلا".

 

وأضاف حسني: "اللي عاوز أقوله إني من يوم الصورة دي وأنا حالف إني اتصورها بجد وأنا مشهور، الصورة دي بتثبت لأي شاب إيجابي إن مفيش مستحيل، واللي عايز يتريق على الولد اللي في الصورة هقوله يارب تنجح زيه، أنا فخور بالصورة دي".

 

وتابع: "النهاردة بقول للولد الصغير ده إنت راجل عشان حلمت بحلم وحققته، وبدأت من تحت الصفر، ووصلت لحلمك بمجهودك وعرقك، وكمان اشتغلت شغلانات كتير فيها شقى وتعب عشان تصرف على أهلك من وإنت في السن ده، شكراً يا ولد يا صغير، إصرارك عمل مني راجل إنسان فنان اسمه تامر حسني".