بالفيديو.. أماني الخياط تتهم قيادات كنسية بالعمل ضد الكنيسة والدولة

كتبت – أماني موسى
قالت الإعلامية أماني الخياط أن مصر تتعرض لمؤامرات وستظل هكذا حتى أول يناير.

واتهمت الخياط الأقباط بالعمل ضد مصر قائلة " وهتفضل بلدكم مصر كل يوم في ضغوط، يعني النهاردة إحنا محتاجين نستدعي المصريين المسيحيين ونشتغل بيهم، طالما الحكاية باظت بين المسلمين والمسيحيين فنرجعها مرة تانية وإن ماجبتش نتيجة وخليكوا فاكرين اللي بقوله لكم دة، هيدخلوا من جوة الكنيسة المصرية، و ياللأسف و ياللعار وهيشتغلوا من جواها ضدها مش ضد البلد كلها دا ضد الكنيسة نفسها، وأنا عارفة بقول أيه وعارفة حساسية اللي بقوله لكن أنا متأكدة أن البابا هيعدي، و ان كل واحد متخيل أنه يمتلك قوة و هيمارس ضغطه و انه هيلوي دراعه و هو سلطة روحية و دينية فهو الخسران" وذلك في إشارة لزيارة الأنبا مكاريوس أسقف المنيا.

وأستطردت "خدوا بالكو من الوجوه اللي بتنط في البرواز و ان كل يوم بتحط نفسها في البرواز، يعني اللي عاشته مصر كلها في الاسلام السياسي المسيحيين دلوقت بيعيشوه".

وتابعت ساخرة من الأنبا مكاريوس، "هتشوفوا وشوش.. اللي بييجي من المنيا راكب الناقة وأنت مالك؟ مش إيباراشيتك دي، أنت هنا بتعمل ايه؟ انتو مين؟