مطران كاثوليك المنيا يفتتح بنكا للصلاة والأفكار

 نشر صاحب النيافة الأنبا بطرس فهيم على صفحته الخاصة فكرة عن فتح بنك للصلاة والأفكار، وقال" زي ما فيه بنك للفلوس ، ما تيجوا نعمل بنك للصلاة من أجل الأوضاع والناس المحتاجة ... وبنك للأفكار من أجل اصلاح أحوال كتير في حياتنا وكنيستنا وبلدنا ... ويبقى بذرة لمشروع روحي ... ومشروع تنويري ..."

كثيرون من متابعين صاحب النيافة رحبوا بالفكرة مما دفع نيافته بكتابة التعليق التالي:
 

" شكرا على تشجيع اقتراح إمبارح ، علشان نبدأ بنك الصلاة وبنك الأفكار في سبيل مشروع روحي وتنويري يبقى اللي حابب يشارك يحاول يكتب كل يوم فكرة تفيد في حل مشكلة ما ، أو تقدم اقتراح لإنشاء شيء جديد يبني الحياة أو الكنيسة او المجتمع ... وبعدين ممكن نحدد موضوع معين نتشارك بالأفكار حوله ... وكمان يكرس ولو 10 دقائق للصلاة ... ياريت تكون مثلا مع بعض في نفس التوقيت الساعة 9 مساء ، واللي يقدر يكرس وقت أكتر من كده يكون أحسن ، واللي مش فاضي الساعة 9 ، مش مهم، ممكن أي وقت يناسبه ... وبعدين نختار نية موحدة نصلي علشانها ... ولو تكون مجموعة تصلي مع بعض يكون أحسن وأحسن لأننا كده هنشجع بعض ... عايزين نشعل كل البلاد بروح الصلاة والتوبة والمحبة لمجد الله ولخير الجميع.