فايز البهجورى
أنتم تقتلون الإسلام
يللى زرعتو الأرض قنابل    تقتلوا  بيها  خلق الله
تيتموا طفل..  ترمّلوا زوجه .. تكسروا قلب قتلتوا  ضناه
 
تحرموا أب عجوز ومريض     من ابنه .. اللى بيرعاه
تطفوا فرحة بنت عروسه     قتلتوا خطيبها  من غير ذنب
وفى أحزانها  صرخت  قالت    " ليّا النقمه يقول الرب
***
مش كان أحسن تزرعوا  شجره    حيفرح بيها خلق الله
حيجى يوم راح تطرح ثمرا   ياكلوا منها " خلق الله "
ويدعوا بالخير للى زرعها    واللى تعب فى الزرع معاه
***
مين علمكو  الحقد الأسود    مين شجعكو  لسفك الدم
مين لقنكو الفكر الدموى    اقتل.. ادبح ..  اسفك دم
مين كلفكو  بقتل الناس   من غير ذنب وقدّم دعم
مين زينلكو  فعل الشر   بوهم الجنه ووهم النار
وتفجّروا  نفسيكو  فى لحظه  وتجيبوا لأهاليكو العار .
***
فوقو ياخلق من الأوهام     قاومو الشر بلا استسلام
دا اللى قالولكو  قتل الناس     هو دفاعكو عن الاسلام
ضحكوا عليكو  وغدرم بيكم
دا  انتو أسأءتو الى الاسلام
وبكره حتعرفو  قتل الناس   نتيجته هى"  قتل الاسلام  "
نتيجته هى" قتل الاسلام "
نتيجته هى" قتل الاسلام "
هى" قتل الاسلام "
***
وشوفو العالم بيقول ايه
الارهاب  سببه  الاسلام
الارهاب  هو الاسلام