قصيدة شىء طبيعى

شعر / فادى ثروت مرتضى
لما قش الرز ثروة تتحرق
وأما قوت الشعب وعرقوا بيتسرق
وأما الشعب المصرى تحت إسم الدين بيفترق
شىء طبيعى
إنك تقول على شىء حرام انه يجوز
وإنك تخلى أرض خصبة بحكم الجهل تبوظ
وإنك تفيض بالخير على شعبك من غير ما حتى يعوز
شىء طبيعى
لما الارهاب ييجى على شعب ويظلم
وأما شعب بحاله ينام فى عز الليل ويحلم
وإن شعب بعد ما كان فى جهل يفوق ويعلم
شىء طبيعى
لما ناس تخش الكنيسة علشان تصلى فى يوم أجازة
وأما ييجى واد مضحوك عليكه مالهوشى عازة
يكتب بأسم القبطى فى كل حته أكبر جنازة
شىء طبيعى
لما كل الناس تشوف من غير عنين
وأما الفساد جواك يا شعبى فات علية مر السنين
وتيجى تسألنى عن الكيان هقولك راح بأيد الارهابيين    
 شىء طبيعى
وأما كل الناس بتكدب تاهت ما بينهم الحقيقة
كل واحد لية دماغة وفية شيطانه كل واحد له طريقة
ربط الحزام جامد وجرى جوة الكنيسة موت وراه ارواح بريئه
شىء طبيعى
دفنونى بالحياة وحضرولى الكفن القماش
مقدرتش إنى انبهم وصوتى إنحاش
قتلوا القتيل وفرحوا هما دول اللى اسمهم اوباش
شىء طبيعى
وأختم قول أشعارى للارهاب الذى يرهب
أحزروا موت المسيحيين فنحن قوم نقوم بعد أن نصلب