عيد الظهور الإلهي

جورج ميخائيل عازر
أيه أخبارك يا قبطي.....وأيه.....أخبار القلقاس
ناوي تعمل أيه.....ليلة.....عيد الغطاس
أكيد رايح الكنيسه.....تتناول.....وتحضر القداس
يعني تاكل م الصينيه.....وتشرب.....م الكاس

بعدها تقفل باب الشقه.....بالمفتاح.....والترباس
ياتري لحمه ولا طيور.....مع.....الرز والقلقاس
أكيد جايب قصب.....بعوده.....زي كل الناس

القصب يرمز للإستقامه...صلابه...ف الحياه الروحيه
صلاتك تكون قويه.....م القلب.....بروح ناريه
العقله جنب العقله.....هو ده .....الترابط
يقظه وسهر ودموع.....تكون.....لحياتك ضابط
عشان تدوق حلاوته.....لابد.....م المعصره
والمسيح إجتاز الموت.....دفنوه.....ف المقبره

م البرتقانه الكبيره.....أنا.....بعمل فانوس
إشاره الي القلب.....يحب.....كل النفوس
وعلي فكر الشيطان.....أرفض.....وأدوس
لأنه عدو الخير.....أعماله.....كلها سوس

حبيبي يا إبن زكريا...المدعو...يوحنا المعمدان
قمه ف التواضع.....بالحقيقه.....أنت إنسان

برهنت بأعمالك.....بصراحه.....إنك شجاع

وقفت أمام هيرودس.....رفضت.....أي دفاع
قطعوا راسك يا بطل.....بالسيف.....ضربوك
علي طبق.....للغازيه.....قدموك
الشهيد.....والسابق.....سموك
لأنك سبقت المسيح.....أنت في مكان.....مرموق