ستظهر الصفحة بشكل مختلف لآنك تستخدم نسخة قديمة من متصفح
أنترنت أكسبلورر، استخدم
التحكم فى الخط و الألوان
طباعة الصفحة
فهرس أخبار وتقارير من مراسلينا 
جديد الموقع
"مكي" يدعم ثورة 25 بأغنية راب و"شعبان عبد الرحيم" يغني مناهضًا لها
الجمعة ١١ فبراير ٢٠١١ -
٣٤:
٠١
م +03:00 EEST
| حجم الخط : |
|
|
 |
|
كتبت: أماني موسى
قام الفنان المصري الشاب "أحمد مكي" بغناء أغنية راب جديدة يدعم فيها شباب الميدان وثورة 25 يناير، واصفًا فيها المصري بأنه حفيد الفراعنة العظام. وأعلن من خلال أغنيته دعمه وتأييده للثورة.يذكر أن الكلمات والألحان والتوزيع من أعمال الفنان "شادي السعيد" وقد شاركه الغناء الفنان "محمد محسن".
كلمات الأغنية:
كرامة المصرى تسوى عنده كتير
نفسه يرجع كرامته والفساد يطير
شهر يناير يوم 25
أعظم تاريخ ثورة مصرية ع مر السنين
شباب رفع راس لفوق مش لابس طوق
عايز حقوقه الشرعية طلبها بكل ذوق
خدلك لفة فى ميدان التحرير
هتلاقى وشك ابتسم قلبك، قرب يطير
شباب فهم معنى الوحدة اتحد عمل تغيير
قيمة المصرى النهارده بعد الثورة أكبر بكتير
متخافيش يا بلادى فى عز المحنة اتحامى فينا
إحنا ولادك رجالة نحطك فوق روسنا وعنينا
جدى وجد جدى استشهدوا فيكى وبيحموكى
مش ممكن أحفادهم يجو فى يوم ينسوكى ويرموكى
واقفين زى الأسود إيد واحدة لجل يحرروكى
فى منهم اللى استشهدوا وبدمهم فدوكى
شكرًا لكل شاب قال رأيه من غير ما يخاف
راجل من ضهر راجل خلى العالم بص وشاف
طول ما فى فرقة وفتنه هتضيع الحقوق
شوف أول ما اتحدنا أيد واحدة بقينا أسود
مسيحى مسلم مثقف أمى غنى وفقير ضموا كل هتافهم فوق بعضه اتحول زائير
حتى لو محققناش كل المطالب بردة كسبنا كفاية إن العالم كله عرف مين إحنا
ما هى الرجولة والأخلاق متبنش غير وقت المحنة
كل البيوت بقت بيت واحد والله فرحنا
مش عايز ذل وظلم وإهانة عايز تقدير
بلده عنده زى عرضة يخاف عليها يغير
كرامه المصرى تسوى عنده كتير
نفسه يرجع كرامته والفساد يطير
بيطالب بالتغيير أيوه عايز تغيير
صابر أيوه لكن لو انفجرت هكون سلاح خطير
لو نزلت ميدان التحرير هتلاقى دولة صغيرة جوه الدولة دولة..
لو حد فيها خبط فيك هيقولك أسف..
ولو حد عايز يعدى هيقولك بعد إذنك..
ولو حد عايز يشوف بطاقتك هيقولك معلش إحنا مضطرين..
تسمع كتير فيها كلمة حاسب علشان البنات تعدى
مفيش فيها معاكسة أو تحرش..
لما المسيحي بيصلى المسلم بيحمى ضهره..
ولما المسلم بيصلى المسيحي بيحمى ضهره..
هى دى مصر اللى إحنا عايزنها.
وعلى الجانب الآخر قام الفنان الشعبي "شعبان عبد الرحيم" بالغناء لشباب ثورة 25 يناير، ولكن طالبهم بضرورة الرجوع عن موقفهم إنقاذًا لمصر –على حد تعبيره-، ووجه رسالة للبرادعي يطالبه بالرحيل وعدم التلاعب بمقدرات الشعب!
لسماع أغنية مكي انقر هنــــا
لسماع أغنية شعبان عبد الرحيم انقر هنــــــــا
لسماع أغنية مكي انقر هنــــا
لسماع أغنية شعبان عبد الرحيم انقر هنــــــــا
كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها
تابعونا على صفحتنا علي الفيسبوك
رابط دائم :
تقييم الموضوع :
