بقلم: أشرف فايز
مبروك عليكي الحرية
مبروك عليكي النصر يا مصر
من بعد ذُل وعبودية
من بعد قهر وبعد الكسر
رجعتي تاني ترفعي راسك
رجعتي تتعايقي بناسك
رجعوم حبايبك حراسك
من بعد عُمر عاشوه ف الأسر
.....
يا مصر وانتي تستاهلي
وكل دا شوية عليكي
سمعت صوتك يندهلي
جريت أحقَّق أمانيكي
يا مصر دايمًا منصورة
ولا مرة ترجعي مكسورة
ومنوَّرة ف قلب الصورة
والمجد دايمًا يناديكي
......

يا مصر واحنا بنعاهدك
لا تعودي أجمل م الأول
نعيش نموت على عهدك
ولا لحظة عنك نتحول
دا كل أرواحنا عشانك
واحنا عقيدتك وإيمانك
يا مجمعانا في أحضانك
لبُكرة بيكي هانكمل
.....
مبروك عليكي الحرية
نصرك ياحُرة دا كان ندري
مبروك عليكي وعليا
نصرك يا طاهرة دا كان نصري
كان أغلى حلم وأمنية
وجبتهولك بإيديا
وها أقولها ولكل الدنيا
بكل فخر أنا المصري

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :