نشوى الحوفي للإرهابيين: "إياك تكون مصدق انك بترضي ربنا"

وجهت الكاتبة الصحفية نشوى الحوفي، رسالة إلى الإرهابيين الذين ينفذون عمليات إرهابية ضد المسيحيين، وقالت "للباشا الإرهابي نقول إياك تكون مصدق انك بترضي ربنا".
 

وقالت "الحوفي" في تدوينه لها على موقع التواصل الاجتماعي "فيسبوك": "إياك تفتكر ان اللي بيصلي و الزبيبة في دماغه وبيدعي ع النصارى واليهود و يحرم معاملتهم مؤمن، وواياك تصدق انه ممكن يكون انسان او حتى يسيبك في حالك حتى لو انك مسلم. انت بالنسبة ليه فاسق أو فاجر وممكن توصل لمرتبة كافر لو مش ماشي ورا نفس دماغه. الباشا ده ارهابي لا يعرف معنى وطن و اان مصر وطن يساع الجميع و لا هو مصدق ان ربنا رب العباد هو اللي خلقهم وهو اللي يحاسبهم".
 

وتابعت: "الباشا مخه ممسوح بأفكار لا ليها علاقة بالدين ولا بالإنسانية...الباشا علموه ما يفكرش و لا يرجع لضميره...الباشا سايب عقله مع نعله على باب الجماعة ايا كانت ملتها.... الباشا إرهابي تكفيري ما يعرفش ان اللي بيحركه هو و العمم اللي قتلت فيه إنسانيته جهاز مخابرات او اكتر شايل شعار نجمة صهيون".
 

يُذكر أن تنظيم داعش الإرهابي، نفذ عمليتين إرهابيتين في كنيستين أحداهما بطنطا، والأخرى في الإسكندرية، ما أسفر عن عشرات الشهداء والمصابين، تزامنا مع الاحتفال بـ"أحد السعف".