الغيطي: مصر بتتأخر وفي حالة سعار ضد المسيحيين

كتبت – أماني موسى
أستنكر الإعلامي أحمد الغيطي ما حدث لأقباط كوم اللوفي بالمنيا، حيث قام مجموعة من المسلمين بمنع الأقباط من الصلاة، قائلاً: "حاجة تجنن بصراحة.. خرجوا إخواننا الأشاوس اللي خدوا توكيل من ربنا ومن شيخ الإسلام اللي هما سلالة الانكشارية الفاشية الشيطانية، واتجمعوا عشان يمنعوا جريمة صلاة الأقباط في بيوتهم".

مستطردًا: "يا ليلة غابرة، الحق المسيحي الكافر هيصلي.. احرق البيت، هد البيت، الله يحرقكم، أنتوا طينتكم إيه، هو إحنا في الفيلم دة لغاية أمتى؟ الجهل، هو أنتوا للدرجة دي الفضا كل دماغكم، والتخلف ضرب في مخكم، يوميًا في الهم دة، هي دي مصر اللي كان فيها اليهودي والمسلم والملحد والشيوعي؟ الله يخرب بيوتكم".

وحذر الغيطي من تكرار مثل هذه الحوادث نظرًا لعدم تدخل الحكومات المتتالية، وترك الشباب للإرهابيين.

وشدد: أن المجتمع يعاني من خلل رهيب، وسوس الإرهاب والأفكار المتطرفة نخر في عظامه، متساءلاً: جالك سعار وذعر ليه من ناس رايحة تصلي؟