خطة لعبور رمضان بأقل تكلفة: من غير تبذير

 

«عند العزايم، المكرونة البشاميل تتكلم»، تتحدث سارة السيد، ربة منزل، عشرينية، عن أكلة المكرونة البشاميل التى تنقذها فى العزومات، فهى تحاول عمل أصناف مكوناتها على قد الإيد، وفى الوقت نفسه تعطى كميات كبيرة: «المكرونة بالبشاميل مش مكلفة بالنسبة لى، لأنى باكون مخزنة عندى لحمة مفرومة تكفينى الشهر كله، والمكرونة مفيش سفرة بتخلو منها مع سلطات وطبق ملوخية وشوربة، كده العزومة مشيت».

 

تنصح سهير شبكة، أستاذة الاقتصاد المنزلى، ربات البيوت أثناء شراء الخضراوات بأن تشترى الأصناف صغيرة الحجم كالكوسة الصغيرة والباذنجان الصغير حتى تعطيها كميات أكبر عند الوزن، وأن تُجهّز كمية مناسبة من اللحم المفروم المعصج بالفريزر، وأن تضع عليه كمية مناسبة من البصل والفلفل الأخضر والجزر والطماطم، ليعطيها كمية عصاج أكبر: «ممكن الناس تعمل يومين فى الأسبوع للأكل الشعبى زى الفول والطعمية والبطاطس والبابا غنوج، بيكون يوم ظريف جداً، لازم يهتموا أنهم يعملوا العصائر فى البيت هتوفر لهم فلوس كتير، ممكن يعملوا بيض بالحمص، كوجبة مفيدة جداً وبتدى طاقة».