نائب نجع حمادي: تحديد النسل حرام.. وأنا عندي 6 ولاد وهجيب 10

كتب – محرر الأقباط متحدون
كان النائب فتحي قنديل - عضو مجلس النواب عن دائرة نجع حمادي، بمحافظة قنا: من بين النواب الرافضين لمشروع (قانون تنظيم النسل الذي تعده النائبة غادة عجمي، والذي يلزم كل أسرة بإنجاب 3 أطفال كحد أقصى، ومعاقبة الأسر المخالفة منذ صدوره برفع الدعم عنها نهائيًا) ، بقوله: "الكلام دا ما يمشيش فى مصر، وغالبية النواب هيرفضوه، لأن تحديد النسل حرام، وبعدين أنا عندي 6 عيال، وأمنيتي إني أجيب 10 ولاد، وإن شاء الله هجيبهم".

مستطردًا: "وبعدين الناس عارفة كويس، لو عندك 6 بنات هتفضل تخلف لغاية ما تجيب الولد"!!

وبسؤال النائب عن أن النائبة لديها منطق في مشروع القانون، في ضوء التزايد السكاني الذي يلتهم كل معدلات النمو، أجاب "قنديل": "يعنى هو مفيش حاجة تسد عجز الموازنة وتحسن معدلات النمو إلا تحديد النسل، دا إحنا كنا عايشين على المنح زمان، دا لو أحسنوا استغلال المنح ووفروا فى الحوافز اللى بتروح للموظفين الكبار ورشدوا الموازنات هيسدوا عجز الموازنة".