بولا وجيه
ولتكن يارب مشيئتك
منقدرش نلومك
أو حتى نعاندك
وأن حزنا لفترة
تعزيتنا أنهم عندك
ومسيرنا في يوم
نلقاهم ونتجمع تاني
ونفرح بالمجد معاك
ويتعذب اللي كان جاني
ده الحزن لو ماليني
صدقني لأن روحي وجعاني
صبر قلوبنا وقلوب أهاليهم
وأديهم من عندك راحة
خلي دمهم وأرواحهم
نسيم للايمان وريحته فواحة
تملأ قلوب ولادك
بالحب وبالشجاعة
وميستسلموش للخوف
مهما الدنيا كانت وجاعة
دي الراحة عندك بس
والصبر من عندك
واللي بيعاندنا
ميعرفش أنه بيعاندك
وميعرفش أن دمي
بيصرخلك من الأرض
وأنه مهما يجري
مسيره تقابله
حيطة سد
ويقع بين ايديك
ويعرف معنى العدل
وأنه مش هيفلت
لو كان خاطئ
وخدنا على سهوة الندل
