ابتسمي ياصبيه

شعر /حنا عادل النجار
ابتسمي ياصبيه
فلكي مالكي
وعليا ماعليا
ومحبتك دين
ف قلبي وف عنيا

ترابك اناشيد
بيجري ف الدم
وفي الوريد
عمري متراهنت ف يوم
ع حبك
علشان عمري ف حياتي

محبيت حد قدك
كفتك دايما كسبانه
علشان انتي مصر الام والصبيه
والعزة والكنانه
ووطنيتي ليكي دي
امانه.
ابتسمي ياصبيه
حتي لو دمي ليكي
اصبح نهر..
يعدو عليه بمعديه.

انتي اجمل هديه
ع ارضك؟؟
اخدت اول عيديه
ع ارضك..
قابلت وحبيت اول صبيه
ع ارضك كان الحب والفراق.
ع ارضك ياما القلب فرح
وياما حزن وداق
ابتسمي ياصبيه
دانا عمري حبي ليكي مهيقل

ده الجسم بعيد عن ترابك
من المرض بيدبل وبيعل
صحيح دمي ياما زقي ارضك
بس مش خساره فيكي
ده هو حمي وصان عرضك
ابتسمي ياصبيه

فلكي رجاال
يحولون الرمل جبال.
ابتسمي ياصببه
فانتي للمصريين
اجمل هديه
..ابتسمي ياصبيه...