بالفيديو.. والدة فتاة كوبرى العباسية: "عينها فارغة وسرقتنى واتبريت منها"

تبرأت والدة سلوى عرابى، المعروفة إعلامياً بفتاة كوبرى العباسية، منها خلال ظهورها ببرنامج 90 دقيقة مع الإعلامى معتز الدمرداش، قائلة: "أنا بكلمك بناء على إنى أنا مش أمها أصلا، أنا أتبريت منها من ساعة ما عملت العملة دى، وهى عينها فارغة وأنا مش عايزاها واتبريت منها لحد يوم الدين"، مضيفة: "دى بنت وحشة بطريقة متتصورهاش وسرقتنى وطلعت مشيت وأنا غلبت معاها، وفى مرة جبتها من الإسكندرية وطنطا والصعيد وكل مرة تيجى تعمل عملة وتهرب من البيت تانى".

كما تدخّل أسامة عرابى شقيق الفتاة من خلال مدخلة هاتفية مهاجماً إياها قائلا: "هى قالت إن إحنا جوزناها طب إزاى ده حصل وهى مش بتقعد فى البيت أصلا وهو فى بنت محترمة تقول إنها قعدت مع شاب فى شقة لوحدها فترة كبيرة"، لترد سلوى قائلة: "أيوة محترمة"، مهددة بالانسحاب بسبب تعنيف شقيقها لها من البرنامج مما دفع الدمرداش يخرج لفاصل إعلانى.