الراسل : بكري دردير
أنا مصري وأمي مصرية
أنا مصري وأمي مصرية
مولود من جوه رحم أرضك
من طينك كحلت عنيا
والحبل السُري كان نيلك
مفطوم علي كلمة حرية
والنبض اللي يدب في قلبي
خطوات الناس رايحة وجيا
ومساَجدك وكنايَسك شاهد
علي روح الوحدة الوطنية
أنا دمي سكر زى النيل
وملامحي ملامح مصرية
والنيل مرسوم جوه عروقي
وعيوني عيون فرعونية
وخدودي جبالك وهضابك
وصوابي صوابع عسلية
وشفايفي باسمك موشومة
و صوتي نغم سمسمية
الصبح انا بفطر علي شوقك
وعشانا حبك يا بهية
والليل يتمشى علي شطوتك
عاشق لياليكي السحرية
والقلب معلق في هواكي
علي قد ما كان عشقك ليا
وكمان مكتوب جوه بطاقتي
أنا مصري وامى مصرية
وحبي للوحدة الوطنية

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :