محاربة متعافية تحلم بعمل دليل شامل لمريضات سرطان الثدي بأماكن العلاج الخاص والمجاني

كتب – محرر الأقباط متحدون
قالت غادة صلاح، محاربة متعافية، أنها ستستكمل مشوار الدعم النفسي لمريضات سرطان الثدي، قائلة: رغم مرارة معايشة حكايات الستات اللي بتعصر قلبي من الألم، برغم قرف العلاج الهرموني اللي أنا لسه مكمله عليه، برغم الهلع اللي عندي من احتمال ارتداد المرض، أنا مش شجاعة ولا حاجة، ولا سوبر ومان، ولا أنا مبتسمة ومتفائلة طول الوقت، أنا عندي لحظات ضعف زيي زي كل البشر، وعندي مشاكل في حياتي الشخصية زيي زي كل البشر، بحاول أداريها، وبحاول أخبي الأخبار اللي مش لطيفة زي إنه من شهرين عملت عملية لإستئصال الرحم".

وتابعت عبر صفحتها الرسمية بالفيسبوك، أنا بخير اطمنوا. حاليًا في فترة نقاهة جسدية ونفسية وقلت أصيف وأفصل، بس ماقدرتش ما اردش على مكالمات ورسايل كتير من محاربات لسرطان الثدي.

ومن المعتاد انه في آخر المكالمة أو الرسالة بيكون في اعتذار إنهم بيتقلوا عليا.

مستطردة، بقولهم أنا اللي بشكركم لأنكم بتفوقوني وتقوموني كل ما بقع.. حلمي اللي جاي اني أعمل دليل شامل مطبوع لمريضات سرطان الثدي عن أماكن العلاج المجاني والخاص.