إسلام بحيري يطرح استفتاء عن سبب تصاعد العمليات الإرهابية؟

طرح الكاتب والباحث إسلام بحيري، استفتاء ساخر يقول فيه: بفكر أعمل استفتاء هنا لأول مرة.. والسؤال يكون فيه بسيط جدًا، يا ترى ليه الجماعات الإرهابية بتقتل في مصر المسلمين والمسيحيين شعب وجيش وشرطة كبار وصغار وبتفجر الكنايس باللي فيها حتى الأطفال وبتدبح وتحرق وتشنق؟

مستطردًا سؤاله عبر حسابه الشخصي بالفيسبوك، يا ترى ليه؟

 

١- كان بينهم مشاكل من أيام المدرسة

٢- كان في ديون قديمة ومرجعتش

 

٣- كان في خناقة سابقة بينهم في شارع ضلمة

 

٤- كانوا ساكنين عندهم وطردوهم من العمارة

٥- مامة الإرهابيين قالتلهم اقتلوهم عشان تلعبوا كورة لوحديكم في الشارع من غير إزعاج

 

٦- كانوا مأجرين منهم عجل ومرجعش

 

وتابع بحيري، في إجابة واحدة باقية بس بصراحة مش مقنعة خالص وخيالية، إنهم يكونوا جماعات عقائدية بتقتل وتحرق وتفجر المسلمين والمسيحيين والعالم كله عشان هما مؤمنين إيمان كامل بكتب كتبها بشر بتقولهم كل دول كفار يجب قتالهم وقتلهم، وإنهم بيعملوا ده كواجب ديني في نظرهم ومستعدين فيه يضحوا حتى بنفسهم لأنهم فهموهم إن قتلاهم في الجنة، مشيرًا بقوله: خصوصًا إن الأزهر بيطمنهم دايمًا، وبيقولهم علنًا يا إرهابيين يا حلوين "أنتم مؤمنين".
 

وأستطرد بحيري كلامه قائلا، "بصراحة الإجابة الأخيرة دي خيالية ومش مقنعة خالص، أنا رأيي الإجابة الصح إنهم بيقتلونا عشان زعلانين مننا من أيام المدرسة".