مرتضى منصور للتوأم حسام حسن: "أنتوا السبب في مجزرة بورسعيد واتضربتم بالجذم من الأهلي"

كتب – المحرر الرياضي
هاجم المستشار مرتضى منصور، رئيس نادي الزمالك، التوأم حسام حسن، المدير الفني للمصري، وإبراهيم حسن، مدير الكرة في الفريق البورسعيدي، قائلاً "إيه الغل ده كله يا حسام أنت وإبراهيم؟؟".

وأضاف في مداخلة هاتفية لقناة العاصمة، "في إيه يا حسام، أنت مين أنت؟ نسيت مين اللي طلعك من السجن أنا خرجتك من السجن 10 مرات أنت وأخوك، يبقي ولاؤك لمين للأهلي مش للمصري، يبقي على طول اتهمك بتفويت نهائي الكأس للأهلي مباشرة".

وتابع، هم أهانوا الجمهور المصري المحترم، متساءلاً: طلعتوا فلنة الأهلي ليه؟ أنتوا أتطردتوا من الأهلي وأضربتم بالجذم وإحنا خدناكم للزمالك مطاريد".
مستطردًا، أوعوا تنسوا أنكوا عبأتوا جمهور بورسعيد المحترم ساعة مجزرة بور سعيد وهربتوا منها".

وأضاف مشددًا، "الكرة مكسب وخسارة وإحنا عارفين يا حسام أنت بتكسب بالسحر والشعوذة، ومعاك مشعوذ 24 ساعة، كفاية السحر اللي أنت بتعمله 4 مباريات تكسبها بركلة جزاء أونطة".

واختتم: "خلي عندكم دم وكفاية بلطجة عايزين تعملوا مجزرة جديدة كفاية بقي".